(patoué di-z-Amaveulle)
Lo patoué, l’eunsemblo de totte le défente variante que le siantefeucco l’an batéyà « francoprovansal », l’è l’élémàn que pi de tcheu le-z-atre marque lo particularisme de la Val d’Outa, lo bazemèn de signa identitó.
Seutta peblecachón propouze eun panoramà de sen que l’Assessorà l’a fé dèi sacante-z-àn, atò tri mot segnefiàn, tri leugne de diréchón que rezumon la filozofie que l’at eunspiró le-z-euntervenchón que l’aministrachón pebleucca l’a chouù pe beutté eun valeur lo francoprovansal : vardé, queultivé, valorizé.
Si livro l’ou po itre eungn’euvra de satisfachón pe sé mimo, mi l’ou baillé i pebleuque eungn estremèn pe mioù cougnitre lo particularisme valdotèn eun beuttèn eun relief sen que l’è eunna di signe espréchón pi otanteuque : lo patoué