(patoué dé Bretsón)
Tsi qu'i léon o « Flambeau » i cognichon bén le couénte de Dzan Fin é Dzan Fou, rebrécca signà Raymond Vautherin qu'a reprézénta un pocht doucque non pou rélaché-se é amuzé-se. Tsé couentine l'an u dé sussé mersì i caléta dé l'oteur, ou cho chtil é o fét qu'ou l'at ichtà bon a créé dé atmosfére fasinante pé touì le lettour.
O lettour qu'ou fèi atentsión pourà pa fére a mins dé djedjé a lénga : o patoué dé Vautherin l'é dé calétà, bé a lére, reutcho dou pouén dé vu di mot é pién d'echpressión traditsionéle, tchoza réra di nohtre tén.
A léteurra dé tsou lévro l'é captivanta é énvita a lo lére teut én un co !