Tsertsa

Dichonéo

Contenù di site

Multimédià

Teste eun patoué

Documàn

Alimentachón campagnarda eun Val d'Outa

alimentation-paysanne-vetrina_5945_l.jpg

(patoué di-z-Amaveulle)

Si livro beutte eunsemblo é moutre le rezultà de la reutse retsertse réalizéye eun Val d’Outa euntre lo 2017 é lo 2019, deun lo cadro di programme de coopérachón territoriala transnachonala « Espace alpin », ALPFOODWAY, A cross-disciplinary, transnational and participative approach to Alpine food cultural heritage.

Le rezultà de si projet se pouon beun llire su lo site intangiblesearch.eu, mi no pensèn que, pe l’eumpourtanse, l’ampleur é la rigueur que l’a, si travaill réalizó su lo territouéo valdotèn meetèye d’itre peblià su papì. L’euvra, réalizéye é financhéye pe l’Assessorà di bièn queulterel, di tourisme, di-z-espor é di commerse de la Réjón otonomma Val d’Outa, se plache, deun sa streteua éditoriala étò, deun la leugne di livro dedià i rite é fite eun Val d’Outa, chortù deun lo 2013 deun lo cadro di Programme de coopérachón transfrontchie Italie-Chouisse 2007-2013, Projé E.CH.I. Etnografie italo-svizzere per la valorizzazione del patrimonio immateriale.

La retsertse su lo patrimouéno queulterel eummatériel de noutra réjón s’eunretsèi donque d’eungn eumportàn é précheu bocón que permè i spéchaliste é a tcheut de s’approtché i travaill de valorizachón etnografeucca é antropolojeucca réalizó deun lo ten pe lo Bureau Régional Ethnologie et Linguistique de la Réjón otonomma Val d’Outa.

L’alimentachón di campagnar valdotèn veun di savèi-fiye d’eun cou é di llétondze étrèite euntre le territouéo alpeun, le bièn matériel é la queulteua eummatériella. To comme le péizadzo de noutre combe son lo rezultà de viille tradechón, de espérianse tramandéye, de jeste eundividuel é de prateuque collétive – pensèn i terasse é i meur a sèque – pe comprende l’alimentachón tradechonella di-z-alpe fo considéré l’agriqueulteua, la sosiétó, le prateuque di comunitó, la complessitó é la retsesse de noutro estraordinéo patrimouéno. Lo travaill collétif que chor deun si livro no moutre eungn éretadzo précheu é a la viya, atò de rèis a fon que baillon euncó de fruì voueu lo dzor, eun nerissèn lo demàn di comunitó di peuplo alpeun.

Daria Jorioz – Dirijanta de la streteua Espozechón é promochón de l'idantitó queulterella

Oteur: A. Bétemps, M. Létey (teste), B. Miron, S. Belley (traduchón), T. Nieudan (photographie), F. D'Oddaz (teste fotografie)
Disponibilitoù: Eun vente é eun consultachón eun bibliotèque
Éditeur: Veulla : Le Château
An: 2022
Grouchaou: 358 p., 28,5 cm x 28,5 cm
Isbn: 9788876372537
Lenva: Fransé, Italièn

Vidéó

Prézentatchón di livro

Devendro 9 désambro 2022 : prézentachón di livro « Alimentation paysanne en Vallée d’Aoste. Témoignages du patrimoine culturel immatériel » - publià pe Le Château Edichón - avouì la partisipachón di tsertseur Alexis Bétemps, de l'éditeur Nicola Alessi é de la Dirijanta de la streteua Espozechón é promochón de l'identitó queulterella Daria Jorioz.