Tsertsa

Dichonéo

Contenù di site

Multimédià

Teste eun patoué

Documàn

Civilisation valdôtaine : noua édichón

(patoué de Doues)

Lo 17 avrì 2012, a sinque é demì de l'aviproù, i Café-Librairie Culture Alpine et Francophonia de plase Roncas (Veulla), l'Assesseue de l'Educachón é de la Queulteua de la Réjón Otonome de la Val d'Ousta, Laurent Viérin, l'a prézentoù la tréjima édichón di livro Civilisation Valdôtaine de Jean-Pierre Ghignone.

Lo livro l'é chourtì pe lo premì cou trent an fé; seutta tréjima édichón l'é itaye reféta di poueun de vu grafique. N'at eun chapitre eun pi dédià a la poleteucca de la Restitution pourtaye eun devàn pe l'Assessorà eun sisse déri-z-àn. L'et eun livro pe tcheu sisse que souéton s'aprotché a la Civilisation Valdôtaine.

Seutta noua verchón di teste, mersì a la contribuchón de l'Aministrachón réjonala, saré eumpléyate étò pe le-z-écoule valdoténe comme suppoo didateucco d'aprofondisemàn de contenu llatoù a la condichón de sitouayén é a la costituchón deun noutro conteste local.

Cougnitre le-z-élémàn tipique de noutra queulteua l'é eun pasadzo néséséo pe vin-ì métre cosiàn de noutra téra, que no fa pensé comme eun eunsemblo d'élémàn istorique, sosial é jéografique é comme contribuchón a la sensibilizachón di noue jénérachón ver noutro patrimouane.

Oteur: Jean-Pierre Ghignone
Disponibilitoù: Eun vente (15,00 €) é eun bibliotèque
Éditeur: Veulla : Pesando
An: 2012 (3^ éd.)
Grouchaou: 175 p. ; 21 cm
Isbn: 8890542721
Lenva: Fransè

Fotografie