Tsertsa

Dichonéo

Contenù di site

Multimédià

Teste eun patoué

Documàn

Lo Dichoun-éo

(patouè d'Euntroù)

Lo dichoun-éo l'è eun projè iver é eun costruchòn. Hi projè se propoze, dedeun lo ten, de prende eun contcho adì an varianta pe tsaque quemeun-a francoprovansala de la Valoda d'Ouha. Lo matériel l'è betó eun leugne drè que l'è dispouniblo. No prèdzèn donque d'eun traille que l'è llouèn d'ihé complè, é que no spérèn de fée crèihe dedeun lo ten, mersì étò a vouho édzo.

Lo dichoun-éo prétèn po de défin-ì « lo » patouè d'an quemeun-a (idó que d'ayeur l'è an pura astrachòn) mi se lemite a propozé, pe tsicque quemeun-a valdotèna, eunna euntrì le nombreuze variante pousible ; se v'èide de matériel, de vioù mo que se perdon u seumplamente de paolle diféente de halle bailléye di nouho témouèn su plahe, contatedde-no-zè.

Lo dichoun-éo l'è eungn eunstremèn de traille trilenve. Vo pouedde fée vouhe retsertse eun patouè, eun fransè u eungn italièn. De la mima modda, tcheu le rezultà son repourtó dedeun le tri lenve établiye.

La grafiya eumplèyéye pe lo patouè l'è halla di Guetset. A par le grafiye fonéteucque, lo sistème di Guetset l'è eungn effè lo pi performàn pe sa flessibilitó é pe sa capasitó de rendre, avouì eun degré d'aprossimachòn asètoblo, le nombreuze variante fonéteucque que caratèrizon nouha lenva. 

Deun seutta séchón