Tsertsa

Dichonéo

Contenù di site

Multimédià

Teste eun patoué

Documàn

Publicachón d'articllo eun patoué

(patouè de Veullanoua)

L'idó de publié de teste eun patouè l'è nèisua l'an 2007, can lo Guetset Leungueusteucco l'a comenchà de pensé comme pouchè fée pe difujé lo pi poussiblo lo patouè eun valorizèn totte se variétó.

Ho l'è reustó tedjà pe sensibilizé le dzi, surtoù le pi dzoun-io, a prédjé patouè eun totte le-z-occajón.

Le teste que deun hisse-z-àn son reustó publià l'ayón fran heutta finalitó é pouon resté devijà eun doe catégorie, a selón di destinatéo.

Pe le pi pitchoù son reustó tradouì, deun le difièn patouè, de conte que son dza reustéte publiéye é que l'an comme personnadzo preunsipal de biche, de teste de la tradichón orala valdotèna é de conte de la littérateua fransèze, come halle de Jean de la Fontaine.

Pe tchertché d'atèrié l'euntérè di pitchoù le conte l'an de dessèn coloró.

Pe le pi grou lo Guetset l'a cherdù de teste siantefeucco. Se pouon troué de pitchoude retsertse su la tradichón é la queulteua valdotèna (Le coscrì, La dezarpa, Lo carnaval...) ou de teste pi spésializó (Perquè le pèi, avouì l'éyadzo, vignon blan, Perquè le jouè di mèinoù tsandzon coleur aprì que son nèisù...) que l'oulon demouhé que lo patouè l'è an lenva vivanta é que no-ze permè de prédjé de to eun developpèn an terminolojì siantefeucca é eun réajissèn bièn i néolojisme.

Hisse-z-articllo son accompagnà pe de viille fotografiye que l'an euncò la fonchón de fée cougnihe coutchun-e di fotografiye consevéte deun le-z-archive de l'Assessorà de l'éducachón é de la queulteua.

Pe diffujè lo pi poussiblo hisse teste n'en cherdù de le-ze publié su le bouleteun di parotse, que soèn se beutton eunsemblo pe publié leur noalle, di quemun-e é di bibliotèque. Pe le quemun-e que l'an po de bouleteun (Allein, Challand-Saint-Anselme, Chamois, Doues, Emarèse, Fénis, La Magdeleine), lo Guetset l'a fa chourtì de pitchoù panflè ioi l'a publià le teste que l'ayè a dispozichón.

Pe posèi mantchan-ì le diféèn patouè son reustó de grou èidzo le témouèn que, de tsaque quemun-a, l'an collaboró avouì l'ouficho. Le témouèn, pe ihé fioblo, son reustó séléchoun-où pe leur euntérè eunver lo patouè é pe leur cougnisanse leungueusteuque.

Hé dèizò vo trouode lo non de tcheu le témouèn é coutche padze que, deun hisse-z-àn, son reustéte publiéte. To lo matériel, icriète é eunréjistroù, publià tanque ara pou itre lièt é acoutoù deun la séchón Teste eun leugne di glosséo.

Annexe