Le planète

(patoué de Vagrezentse)

Ah, l'oroscope...

Y é qui lo lléi tcheu le dzor, qui maque eun coou de tenzentèn é qui lèi crèi fran pe ren...

L'eu vréi que dza no-z-ansétre avèitchaan la leunna devàn que vagnéi le trèifolle, coppéi lo boouque, féye betserì ... méi que lo dzor de nèissanse é le planéte eunfluenchèyan noouso caratéro, no dzornà é feunque noousa via l'eu euncó totta eun'atra conta !

Toteun, belle maque pe queriaouzitéi ou pe vo-z-amujéi eun momaet, aproouade de llée commèn l'et voouso signe zodiacal é vérifiade se vo vo recougnissade deun la descrichón ou se...

Son totte de conte fooule !!!

Planète
Moutòn
Bou
Behòn
Écrevisse
Lión
Vierje
- Balanse
- Ehcropión
- Sajittére
- Boc
- Évioù
- Péchón

Deun seutta séchón

Mèitòn patoué

Moutòn

L’è eun seugno de grousa créativitó. Lo Moutòn l’a fota d’ajì é d’organizé, l’è orijinel é refuze d’ihé organizó pe d’otre.

Bou patoué

Bou

L’è eun seugno bramèn stablo : l’a la tiha bièn dua é l’è jaloù comme eun pou borgno. Comme la bihe, lo Bou se boudze é pense todzèn...

Bessòn patoué

Behòn

Le Behòn son todzor pe l’èa é a la retsertse d’eunfourmachòn utille é présieuze. Son bièn lest a pensé é l’an fota de saì tot lo pi vitto poussiblo.

Ecrevisse patoué

Écrevisse

Sit l’é lo signe de la maternitéi, de l’ostinachón, di sentimèn pi profón, de la melancolie é de la radze.

Liòn patoué

Lión

Lo Lión l’é lo signe dou pouvouèe. L’a de volontéi é de déterminachón, condzeblée a bramèn de grase. Si signe l’a eun ego bièn prononchà...

Vierje patoué

Vierje

Le nèisù dézó lo signe de la Vierje son de dzé altruiste, l’an d’échèn é l’amon le travaille presì, feunque se se queutton bondàn trèinéi di projé eumportàn.

Balanse patoué

Balanse

Le djen da Balanse tchertchon l’équilibbro dévan qué teut. I sé comporton bén ni rapport avó y atre, son moué pratécco.

Ehcropiòn patoué

Ehcropión

Le djen dé l’Ehcropión son pién dé réssourse : i son profòn é sérious é l’an un fort magnétisme.

Sajittére patoué

Sajittére

Le djen dou Sajittére son pién dé fidutcha, contèn, guèi é sinsére. Son dé compagnón fidel, belle s’i l’an contùn a téhta vents i nébie.

Boc patoué

Boc

Le djen dou Boc son d’acohtuma dé bon diplomatécco. San ése rechponsabio, ma co pessimiste. I son fir dé iour mémo é i lamméron ése damón y atre.

Evioù patoué

Évioù

L’Évioù l’é o segn dé y idéal, dé a solidariété é dé a comunicatsión. Le djen dé l’Évioù tchertchon dé rénde pi béla a véa dé tsi qué y ichton outor.

Péchòn patoué

Péchón

O sémbole dé tsou segn l’é feut dé douch péchón qu’i najon nou sans contrére é tso vou dire qué le djen Péchón son pa bon dé prénde eunna dirètsión un co pé totte