Tsertsa

Dichonéo

Contenù di site

Multimédià

Teste eun patoué

Documàn

L'Ehcropión

Ehcropiòn patoué
Ehcropiòn patoué

(patoué dé Bretsón) 

A pianetta qu'a comanda tsou segn l'é Mars, l'élémèn l'é l'éva.
O Soroi pasa nou signe tra o 23 dé otobre é o 22 dé noémbro.
Coulour : o violet qu'ou l'aida l'Ehcropión ni chè méditatsión.
Pira da chanse : o rubìn.
Métal : o fer.
Djor chansà : o demarts.

Caratére

Le djen dé l'Ehcropión son pién dé réssourse : i son profòn é sérious é l'an un fort magnétisme. Soèn i son aoutoritére é i son bon dé dehcouaté le fébio dé y atre. S'i véneu érémich d'eun Ehcropión, féjeu atentsión perquè ou l'atendérà o momèn bon pé ataqué-vo. Dé co son grosì come dé pan d'ordjo, belle séntsa lo fére echprés, é i s'echtonon corra i s'adonon dé aé ofensà cahcùn. Son moué possessif é i son bon d'ehproé dé forte émotsión.


Corra i s'adonon dé aé fallì, sé quiodzon én iour mémo. L'an eunna bona capasité dé éntuitsión qué ié ren caje dé psicanaliste. Y Ehcropión tchertchon contùn un prensippe dé véa : i désidon comèn dèi ése eunna tchoza é i sé comporton dé conségouéntsa.
Én amour, i son djalous é possessif, ma co pién dé pasión, sinsére é fidel. I l'ichton mièi marià qué pa solet : vents a cobbia i tchertchon l'armonia.


Son bres, éntélidjèn é l'an moué dé énérjì, ma a iour retchètsa pi grousa l'é a fortsa dé volonté qu'a ié porta a gagné so teut é touit.
Tutùn, i son co moué pénabio, tchoza qu'a ié fèi soèn tchertché a véndjéntsa. L'orgouèi é a prézuntsión ié fan vichque eunna vèa éndipéndénta : lacheu perde dé ié doné dé consèi qu'i l'ehcoutéràn jamé !
Son co fran rebeucht, ma l'an co iour dé fébio é surtoù son délécat ni part éntime.

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón