Tsertsa

Dichonéo

Contenù di site

Multimédià

Teste eun patoué

Documàn

L'Évioù

Evioù patoué
Evioù patoué

(patoué dé Bretsón) 

A pianetta qu'a governa tsou segn l'é uràn, l'élémèn l'é l'er.
O Soroi pasa nou signe tra o 21 dé djénì é o 19 dé févrì.
Coulour : o bleu.
Pira da chanse : o zaffir.
Métal : o zinc é l'ardjèn.
Djor chansà : o desando.

Caratére

L'Évioù l'é o segn dé y idéal, dé a solidariété é dé a comunicatsión. Le djen dé l'Évioù tchertchon dé rénde pi béla a véa dé tsi qué y ichton outor. Son dé djen créatif, i poon tchandjé d'idé teu d'un co é fére dé tchoze ehtraverà.
L'an eunna grousa manca dé liberté é l'é pé tso tsé qué dé co i reuchcon dé troé-se solet. I son onéhto é gratsious, ma atentsión a pa ofensé-ie perquè son pénabio : corra i sé sentichon pa lammà é compré i l'ichton mal.
D'acohtuma, i tchertchon dé alé avante, dé tchertché dé novétà, tsen qu'a l'é pasà ié sert comme echperiéntsa.


Moué dé co reuchcon dé pa ése contèn én amour perquè i l'an l'acohtuma dé tchertché dé controlé le iour santimèn, ma co perquè i soporton pa tan a jalouzì qu'i vichcon comme sé non ié gavesse a liberté. Co iour son djalous, ma pitouch dé lo mouhtré i mouréròn. D'atra part, soèn son pa pe tan fidel én amour é l'é pieu lén qu'i lo séon vo y amich, vu qué l'amitié per iour l'é eunna di valour pi émportante. I lammon ése o mentén di djen, belle se dé co sémbia qu'i séon dehtacà é éndifférèn é gramo.
Le feméle dé l'Évioù son dé bone mare é i son bone a vénì finque amije di iour minà ; i son piéne dé éntéré, i lammon lére é fére dé bé vouéyadjo.
Dou pouén dé vu da salutte, i déon fére atentsión i tchambe é i gréye é pé prezervé-se l'an manca de boudjé.

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón