Tsertsa

Dichonéo

Contenù di site

Multimédià

Teste eun patoué

Documàn

A Balanse

Balanse patoué
Balanse patoué

(patoué dé Bretsón)

A pianetta qu'a comanda tsou segn l'é l'Ehtéla dou Berdjì (Vénus), l'élémèn l'é l'er.
O Soroi pasa nou signe tra o 23 dé sétémbro é o 22 dé otobre.
Coulour: o vert.
Pira da chanse : o couarts ros.
Métal : l'ardjèn é l'aràn.
Djor chansà : o devéndro.

Caratére

Le djen da Balanse tchertchon l'équilibbro dévan qué teut. I sé comporton bén ni rapport avó y atre, son moué pratécco, i sé djénon jamé, son séntsa prédjudeutse é i l'an moué dé charme. Vu qu'i son bon a fére dé stratéjì é son diplomatécco, son dé bon médiatour ni situatsión pieu délécate. I san ténì contùn le iour santimèn controlà é i lammon gagné. I son bon a conclure y afére séntsa doné l'idé d'aé travayà duramèn.
Le feméle dé tsou segn lammon l'élégantsa, le tchoze béle é tchire, ma i lammon l'ommo finque un tso grosì !


Le Balanse d'acohtuma son dé bé djen, lammon a retchètsa é l'ése énveuddià dé y atre. L'an contùn voya d'évazión é dé pach ; soèn impion o iour charme pé fére fére a y atre tsen qu'i volon pa fére iour. L'an eunna bona capasité dé analizé le situatsión, capasité qu'i bétton soèn o servich dé y atre pé doné dé consèi.


Djechtamèn, l'an co cahquie défot : i son un tso plandrón, lammon un tso trop le compiemèn é l'ése souilà, lammon ése comodo é atchété le tchoze pieu tchire. L'an pa tan eunna morala forta é dé co son portà a aé cahquie visse. L'an pa contùn eunna bona fortsa dé volonté é soèn lammon préndé-sèi dé périodde de répos, belle séntsa méreutto. A coza da paresse, son pa contùn bon a créé-se eunna attivité o a énvioné-se arie.
Pé tsen qu'ou régarda a salutte, o iour fébio son surtoù le rin é l'écheunna.

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón