Tsertsa

Dichonéo

Contenù di site

Multimédià

Teste eun patoué

Documàn

Le Behòn

Bessòn patoué
Bessòn patoué

(patouè d'Euntroù)

La plan-èta que donte hi seugno l'è Mercure, l'élémèn l'è l'èa.
Lo Solèi passe deun hi seugno euntre lo 22 de mi é lo 21 de joueun.
Couleur : lo dzono.
Pira de la chanse : lo topase.
Métal : lo Mercure.
Dzor de la chanse : lo demicro.


Caratéo

Le Behòn son todzor pe l'èa é a la retsertse d'eunfourmachòn utille é présieuze. Son bièn lest a pensé é l'an fota de saì tot lo pi vitto poussiblo. Son a mimo de fée bièn de bague a la cou é féyon bièn de pi de henque son eun tren de pensé.
L'amon s'amujé avouì de djouà d'euntélijanse ou de-z-énigme. Son prèdjé amodo é heutta capasitó le-z-édze a mascré coutche défó ou coutche mancanse. Le Behòn l'amon le poste quèi, lo repó é l'èa frique. La granta partia di fèiblesse aréon de la tiha é son d'orijine nerveuza.
Le Behòn, can l'an eungn'idó, se beutton to de suitte a la pratequé, sensa refléchì su la validitó ou su le poussible consécanse. Eungn ézeumplo : se i Behòn plé eungn objè, pouon reusté a lo èitché pe de-z-oire canque a lo atseté mimo se l'an pocca de sou... deun lo pire di cas, son tellamente acharnó que desidon de lo robbé.

Eun di défó di Behòn l'è hi lé de po saì todzor deusteungué euntre « bièn » é « mal » é ho pourie fée pensé que heutte personne l'an po de moralitó.
Le Behòn son po tan émotif, l'amon mioù pourté eun devàn de pitchoude conte pitoù que de llan que se mantchagnon lo lon di ten. L'an eun gran tsarmo, son bièn deuillo a henque le-z-otre personne penson de leur é son an mietta preucco, mi son po bon de vardé lo mouro.
L'an an capasitó d'adattachòn bièn developpéye, po perquè son sensa personalitó mi pe eunna naturella disponibilitó a vivre queunta situachòn séoille. Eungn otro défó de hi seugno l'è la prézonchòn, soèn consecanse de eungn'euntellijanse foua de l'ordinéo.


Le Behòn l'an eun mouì d'ispirachòn, eungn'ota sensibilitó é son bièn nerveu. Pourian jamì renonsé a la libertó : crègnon le-z-eumpozichòn, fèyon an matse de fateugga a reuspetté le-z-oréo, te pou po le hlloure deun la fota que l'an de boudzé, de voyadzé é de tsandzé de tézentèn.

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón