(patoué de Tsaensoù)
L'adulte conte : seutta relachón caze euntima se cré can l'eunségnàn se propouze avouì de magniye douse é plèin-e d'attenchón eunvèe le-z-icouillì de fasón que s'approtsissan, que icoutichan seutta vouése que le min-e ver la merveille, ver la pouiye, ver lo mistére... to so deun conteste de confianse.
Si livro, prèi di léjande de tchi no, l'è itoù aprestoù, é beuttoù douàn eun prateucca, deun le cllasse pe le-z-eunségnante de l'icoula maternella d'Itroble, féta essechón pe la demendze, dzor de fita, iaou l'è itaye propouzaye eungn'atra conta que no prézente le-z-eunstremèn de mezeucca que l'an todzor accompagnà le fite deun le-z-Alpe.
I-z-eunségnàn reste lo douer d'eumpléyì si recueil deun leur conteste, é selón leur ézijanse didatteuque, comme moyèn d'apprentissadzo eun pritèn leur vouése i conte ou beun cherdèn la vouése de l'atteur.