(patoué di-z-Amaveulle)
N’ayè fata de publié le rezultà de si énormo travaill, pai deun lo 1997 l’è chortù lo premì voleummo Enquête toponymique en Vallé d’Aoste, premie monografia dediéye a la quemeun-a de Hône é eun lèi retroue tcheu le rezultà de l’eunquéte deun si llouà de la Basa Valló.
Seutta premie publicachón, que baille l’envio a eunna coléchón de monografie, l’at eun caratéo tchica particuillé pe lo fé que le donné de l’eunquéte orala son eunretsie pe de retsertse a fon deun le-z-archive.
Le livro de seutta coléchón son accompagnà pe de tsapitre su la jéografie de la quemeun-a, su l’istouére, pe catche remarque su la variétó di patoué local, pe la prézentachón de la retsertse toponemeucca eun Val d’Outa é pe la fasón de travaillé.
La coléchón l’a le voleummo dedià a Lillianes, deun lo 2008, a Arnad, deun lo 2009, é a Valgrisenche, deun lo 2013, tcheut accompagnà pe eun CD-ROM euntératif.
L’eunquéte, féte pe Madamma Piera Bordet deun la périodda de avrì 1988 a févrì 1989, l’a permì de recouillé 1177 toponimo su eun total de 31 foille di cadastro, pe eun téritouéo de 13 kilomètre caró.
Lo voleummo, avouì eun plan di cadastro, l’è chortù deun lo 1997.
L’eunquéte l’et itéye féte pe Madamma Anna Jans, deun la périodda de jeillet a novambre 1987, é l’a permì de recouillé 532 toponimo su eun total de 24 foille di cadastro, pe eun téritouéo de 19 kilomètre caró.
Lo voleummo, avouì eun CD-ROM euntératif, l’è chortù deun lo 2008.
L’eunquéte l’et itéye féte pe Madamma Piera Bordet, deun la périodda de oût 1991 a mi 1994, é l’a permì de recouillé 2461 toponimo su eun total de 58 foille di cadastro, pe eun téritouéo de 29 kilomètre caró.
Lo voleummo, avouì eun CD-ROM euntératif, l’è chortù deun lo 2009.
L’eunquéte l’et itéye féte pe Mocheu Sylvain Bois, deun la périodda de janvir 1998 a oût 1999, é l’a permì de recouillé 1348 toponimo su eun total de 48 foille di cadastro, pe eun téritouéo de 133 kilomètre caró.
Lo voleummo, avouì eun CD-ROM euntératif, l’è chortù deun lo 2013.
