(patoué di-z-Amaveulle)
Lo 21 maas de tsaque an eun sélèbre la Dzornó mondiala de la poézia. L’è l’occajón de prende tchica de ten pe aprésié la fose é lo dzen di si langadzo universel é de pensé a la fasón de poussèi l’eumpléyé pe eunspiré é llété eunsemblo totte le dzi di mondo.
La poézia pou tsandjé le dzi é tsandjé lo mondo : l’è an fourma d’ar d’estrà forta que pase deussù totte le déféense de queultea é de lenva é pou no-z-édjé a troué senque l’è dzen deun noutra viya de tcheu le dzor.
Sélébrèn donque seutta occajón eun déquevrèn le poète valdotèn que l’an cherdù lo patoué eun tan que lenva pe la leur ar. De l’abbé Cerlogne a Armandine Jérusel, de Eugénie Martinet a Marco Gal, la Val d’Outa no propouze eun trézor queulterel que l’a ren a eunvié i littérateue nachonale.