(patoué de Tsaensoù)
Comenche si mèis lo projé Ven vére, beuttoù eun pià pe l'Asséssorà de l'éducachón é de la queultea de la Réjón otonomma Val d'Outa, deun l'attivitoù de sovegarda é de promochón di patoué.
L'è totta an rentse de parcoù d'animachón, dedià i mèinoù, que comenchérèn dèi si mèis de noembro tanque i mèis de févrì de l'an queun, deun sinque quemeue valdoténe : Antèi, Donnas, Euntroù, Mordzì é Vapeleunna.
Eun djouyèn, tsantèn é eun féyèn de téatro, le mèinoù pouon pi cougnitre leue territouéo é leue patoué
Le diffièn momàn di parcoù, iaou n'aré euncó la partisipachón de sertèn témouèn de la quemeua, sarèn témouagnà pe de matériel, de-z-imadze, de vidéo é de-z-eunrejistremèn que le mèinoù mimo é le-z-eunségnàn pourrèn pi eumpléyì pe lo Concours Cerlogne.
Eungn annesse, vo trouade lo calandrì di rancontre.
Pe nen savèi de pi, vezetade la séchón di site dediaye a seutta inisiativa.
Eunformachón :
Asséssorà de l'éducachón é de la queulteua
BREL
Creu de Veulla, 16 - 11100 Veulla
+39 0165 43386 - 363540
www.patoisvda.org