La hllotse d'Euntroù
Eun cou ll’î la couheumma de marqué desù le hllotse lo non d’eun sen protèiteur é le dzi, can prèdzoon de la hllotse, eumplèyoon lo non de hi sen. La balla hllotse d’Euntroù pourte dou non, hi de sen Pou é hi de Sente Mariye deutta, selòn an vyiille tradichòn, « salva terram »… é l’ariòn po pousù écriye an baga pi djeusta.
Eun mire di veladzo d’Euntroù ll’è eun greuppe, lo Mon-Pepè. Lé, eun dzor de gramo ten, i mentèn d’eungn oradzo épouvantoblo, eun djablo tsertsô de cayé bo lo greuppe desù le micho. La hllotse l’at eunvian-ó a soun-é, comme l’î la couheumma eun ca de danjé. Tchica pi bo ll’î eungn otro djablo que, i mentèn di crazèrio di toun-o, eurlô a hi de damòn : « manda bo la montagne su lo veladzo, manda-là bo ! » é l’otro lèi repondjè : « dze pouì po, Mariye soun-e, dze pouì po ! ». La hllotse l’a sovó lo veladzo...
Diyon que hi dzor Sente Mariye siye euntervin-iya de personna ; diyon que se siye pouzéye su la rotse, lé i mentèn di bouque, é l’ache eumpatchà i djablo de cayé bo lo greuppe. Dèi hi dzor su la rotse eun pou vire la marca de dou pitchoù pià, hise de la Vierdze, é tchica pi outre la marca di cocque di djablo.
Ecouter le texte
Télécharger le texte
La cloche d'Introd
Autrefois, les cloches portaient gravé le nom du saint auquel les fidèles se confiaient et elles étaient souvent désignées familièrement par le nom du saint protecteur.
La cloche majeure d’Introd porte gravés deux noms, celui de saint Paul et celui de sainte Marie, connue aussi avec le nom de « salva terram », comme le veut la tradition ; et elle fut digne de ce surnom, lorsque la situation le demanda.
En surplomb du village d’Introd il y a une montagne, le « Mon-Pepè » en francoprovençal.
Un jour, lors d’un orage effroyable, un diable tentait de faire basculer le sommet de la montagne sur le village. La cloche intitulée à la Sainte Vierge commença alors à retentir, selon la coutume en cas de danger.
Un peu plus bas sur la montagne il y avait un autre démon qui, entre les grondements de tonnerre hurlait au premier : « Renverse la montagne sur le village, renverse-la ! » et l’autre lui répondait « Je ne peux pas, Marie sonne, elle m’en empêche ! ».
On raconte qu’à cette occasion la Vierge intervint en personne. On dit qu’elle se posa sur un rocher, au milieu des bois et, ainsi, elle empêcha aux diables de renverser la montagne. Dès ce jour, sur un rocher, les empreintes de ses petits pieds sont restées gravées, alors que, plus loin, on peut voir celles des sabots du diable.