(patoué di-z-Amaveulle)
Dèi si mèis, prézentèn an nouvila séchón dédiéye a l’alimentachón campagnarda eun Val d’Outa.
Tsaque mèis, mersì a de restsertse é a de-z-imadze prèize d’an publicachón que l’a lo mimo non réalizéye pe l’Assessorà réjonal di bièn queulterel, di tourisme, di-z-espor é di comerse é publiéye pe Le Château deun lo 2022, no partèn pi eun voyadzo euntremì le gout é le tradechón gastronomeuque de noutra réjón.
L’alimentachón, eun pi d’itre an nésésitó pe la viya de l’ommo, l’et an cllo eumpourtanta pe comprende la queulteua d’an populachón, eungn itèn l’espréchón di savèi é di savèi-fiye tramandó de jénérachón eun jénérachón.
Deun si sanse, le table de montagne veugnon de-z-archive otanteuque de l’identitó, eun moutrèn an llétondze euntimma euntre le comunitó é lo territouéo.
Pe si premì mèis, no vo accompagnèn a la déqueverta de la micóoula, pan tradichonel de la quemeun-a de Vion-a, que dèi catche djé-z-àn l’et itéye reportéye eun viya, beuttéye eun valeur é protagoniste, tsaque an, d’an fita i mèis de désambro.