FAQ

L’assé i site l’é adréichà a tcheut (professioniste, tsertseur, étudiàn, apachorà, queriaou…), pe possèi aprotchéi quisevoille i mondo de la queulteura francoprovansala.

Lo site l’et organizà eun tréi diferente lenve : francoprovansal, fransé é italièn. Tcheut le contenù a par caque documàn djeuntà se pouon consultéi deun le tréi lenve.

Lo fransé l’é la lenva preunsipala di site perqué l’é la lenva pi protso i francoprovansal.

Lo Guetset Leungueusteucco l’é eun servicho gratouì a dispozechón de tcheut pe favorizéi le comunicachón eun lenva francoprovansala euntre sitouayèn é eunstituchón. Lo Guetset s’occupe étó de crééi le contenù di site. Lo servicho l’é offer pe la Réjón Otonoma Val d’Ousta, l’é financhà pe la Lloué Nachonala n. 482/99 pe la sovegarda di minoritéi leungueusteuque istoreuque é pe de financhemèn réjonal.

Lo Guetset Leungueusteucco l’é nèisù l’an 2007 grase i financhemèn que son issà baillà deun lo doméne de la lloué 482/99 « Norme pe la protéchón di minoritéi leungueusteuque ».

Le-z-opérateur di Guetset son a dispozichón di pebleuque tcheu le dzor di deleun i devendro de 9:00 a 14:00.

L’é pousiblo d’icrie ou de prèidjéi avouì no eun consultèn le-z-adresse a si lièn.

L’oufficho s’occupe de seutte-z-attivitéi : suppor leungueusteucco oral, revijón é traduchón de teste, consulanse leungueusteucca, trascrichón de teste.

Lo Guetset Leungueusteucco l’é financhà pe la lloué nachonala n. 482/99 pe la protéchón di minoritéi leungueusteuque istoreuque é eun partia pe de financhemèn réjonal. Le consulanse son féite a titro gratouì.

L’é pousiblo de rezervéi fasilamente eun randévoù eun vidéoconféranse. Baste contactéi lo personnel pe telefonne ou pe e-mail.

Lo portal l’é nèisù a fevréi 2011 avouì lo but de la promochón é de la valorizachón de la queulteura é la lenva francoprovansala, aoutre a volèi acapéi eun pebleuque de utilizateur pi diffujà.

Oué, l’é eun site web que pou s’adattéi a nivó grafeucco, eun magnéye otomateucca, a queunsevoille tipo de dispozitif de iaou l’é avèitchà.

L’é pousiblo d’acapéi de diferente variétéi de francoprovansal selón le contenù. Lo but l’é si-léi de bailléi an vijón pi alardjée de la retsesse leungueusteucca de la Val d’Ousta. Eun mouéi de contenù son issà icrì deun le variétéi francoprovansale de qui icrì le teste.

Lo site ll’é organizà deun diferente séchón temateuque, todzor eun developpemèn é eumplémentachón, que permetton de cognéise l’istouére de la lenva, de sa queulteura (litérateura, tradechón, mezeucca, ...) é le-z-inisiative pe sa promochón é valorizachón. L’é pousiblo étó d’avèi assé a de-z-eunstremèn utillo pe l’apprentisadzo di francoprovansal.

Pe isséi adrèichà a la séchón de ton eunteré baste icrie deun la barra de retsertse (deun la partia ata de la premiéye padze é de totte le padze) la parolla clla ou lo tème que t’euntérèche.

Le rézultà de la retsertse son divijà eun cattro gran doméne : « Dichonéro » (se prézèn), « Contenù di site » (retsertse la parolla deun totte le séchón di site), « Elémàn multimédià » é « Documàn tchardjà su lo portal » (imadze, eunrejistremèn, vidéo, documàn djeuntà, …).

La retsertse pou isséi féite deun seutte lenve : francoprovansal, fransé é italièn. Fa séléchoréi eun ate a drèite la lenva correspondanta. Le rézultà sarèn donque moousà a partì de la lenva de retsertse.

S’icrie a noousa lettra d’eunformachón l’é bièn seumplo. Baste eunsérì ton adresse e-mail deun lo caro dédià i fon de la premiéye padze. Se ivreré su l’écran an padze iaou eunsérì te donné, cherdre deun queunta lenva resèivre le-z-eunformachón é otorizéi lo trattemèn di donné personnelle. Pe conclure lo prosé, te fa euntréi deun ta bouéise de posta életroneucca é clequéi su lo lièn mandà deun lo mésadzo de validachón.

La frecanse l’é periodeucca é l’et espédiée apepré tsaque mèis.

Le-z-eunscrì resèivon avouì an frecanse periodeucca eunna lettra d’eunformachón pe la promochón di-z-attivitéi é di-z-évènemèn llattà i francoprovansal eun Val d’Ousta, outre i-z-inisiative d’eunteré particulié que se developpon foua de la Réjón (concour litéréro, festival, …). La lettra d’eunformachón eunforme étó su l’eunserchón de contenù novéi deun lo site.

La lettra d’eunformachón l’é pensée pe la promochón di-z-attivitéi é di-z-évènemèn llattà i francoprovansal eun Val d’Ousta, outre i-z-inisiative d’eunteré particulié que se developpon foua Réjón (concour litéréro, festival, …), pe signaléi l’eunserchón de contenù novéi deun lo site é pe publiéi d’avì de seléchón di-z-opérateur a eunsérì deun le-z-attivitéi di Guetset.

Lo tituléro di trattemèn di donné l’é la Réjon Otonoma Val d’Ousta, deun la personna de son légal reprézentàn, que l’a son sièje eun Plase Deffeyes, 1- Veulla- On pou prendre contà a seutta adresse pec : segretario_generale@pec.regione.vda.it

Pe prendre contà avouì lo responsablo de la protéchón di donné (DPO) de la Réjon Otonoma Val d’Ousta, euntchardjà de garantì lo reuspé di norme pe la protéchón di donné personelle, fa icrie i-z-adresse PEC souivante : privacy@pec.regione.vda.it (pe le tituléro d’eunna bouéise de posta élétroneucca sertifiée) ou PEI : privacy@pec.regione.vda.it, avouì eunna comunicachón que vardèye seutta euntestachón : « A l’atenchón di DPO de la Réjón Otonoma Val d’Ousta ». 

Le donné son eumpléyée pe l’eunvouà de la lettra d’eunformachón.

Le-z-eunformachón sont eumpléyée di personnel de la Streteura attivitéi espozitive é promochón identitéi queulterella- BREL, que ajèi su la baze di-z-eundecachón spesefeuque fournie eun odre i but é i modalitéi di trattemèn méimo. 

Le-z-eunformachón sarèn vardée maque pe lo ten neseséro a la pourchouite di but di trattemèn.

L’é pousiblo cansevoille de demandéi de tchandjéi, de gavéi de-z-eunformachón, de limitéi le trattemèn di donné ou niéi lo trattemèn deun le cas que son prevù. Fa féye demanda i responsablo de la protéchón di donné (DPO) de la Réjón Otonoma Val d’Ousta, eun icrièn a l’adresse PEC : privacy@pec.regione.vda.it (pe le tituléro d’an bouéise de posta élétroneucca sertifiée) ou PEI : privacy@regione.vda.it.

Se t’a tchandjà l’adresse de posta élétroneucca te fa féye eun nouo eunrejistremèn avouì ton adresse mail é bailléi comunicachón i-z-opérateur di Guetset de l’adresse viéille a gavéi.

L’é pousiblo de desidéi cansevoille de gavéi l’iscrichón a la lettra d’eunformachón eun clequèn su lo lièn que se trooue i fon de tsaque mésadzo e-mail resù.

L’é pousiblo de mandéi eunna évantuella contestachón a seutta adresse :
Assessorà di-z-attivitéi é di bièn queulterel, di sistémo éducachonel é di poleteuque de relachón eunterjénérachonelle 
Réjón Otonoma Val d’Ousta
BREL
16, rua Crouéi-de-Veulla
11100 Veulla- Italie
Tel : +39 0165 32413/363540
E-mail : g-linguistique@regione.vda.it
Pec : cultura@pec.regione.vda.it

Pa de probléme ! Deun si cas l’é pousiblo de se beuttéi eun contà avouì lo Guetset Leungueusteucco pe telefonne ou pe e-mail pe possèi troouéi an reponsa a se nesesitéi. Lo personnel l’é todzor disponiblo pe accompagnéi l’utilizateur deun la navigachón di site é possèi repondre a tsaque ézijanse, douta, queriaouzitéi ou retsertse de d’atre esplecachón.

Deun la séchón « Francoprovansal » se pouon troouéi de-z-aprofondisemèn su l’orijine é su l’istouére de la lenva francoprovansala, outre a de-z-eunformachón su sa distribuchón jéografeucca.

Lo termo franco-provansal, créà pe Graziadio Isaia Ascoli, l’é issà a l’orijine de caque polemeucca é l’a fa néise pa mal d’équivoque (que sisse donque eun melandzo de fransé é de provansal). Pe pa bailléi de caro a d’atre doute, on a desidà d’icrie francoprovansal deun eun mo solet (eun fransé étó, belle se feunque le dichonéro eunsistèyan a lo icrie avoui lo tiré). Gaston Tuaillon, eun di pi gran téorique de si idiome, lo icrì reguilléramente deun an parolla soletta, eun baillèn pi l’idà d’an lenva unitéra reuspé i termo « franco-provansal », que se préise de pi a de-z-eunterprétachón trompée.

Deun caque magnéye oué, belle se l’affermachón pou pa avèi an valeur absolua. Eun sitèn Ascoli: «… lo francoprovansal l’é eun tipo idiomateucco que réunì eunsemblo, avouì caque caratéro spesefeucco, pi d’atre caratéro, que eun partia son quemeun i fransé, eun partia lo sont i provansal ». Ascoli s’ie bazà su de tré foneteucco méi la resemblanse euntre provansal (ou ossitàn) é francoprovansal s’acappe surtoù deun le prèidjade de la Basa Valéi. Seutta affermachón l’é peratro confirmée pe eun illustre étudiàn ossitanofone é ossitaniste, Arturo Genre.

Lo francoprovansal l’é eunna lenva que se trooue a eun étà dialetal parfé perqué l’a jamé prodouì eunna lenva unitéra su to lo téritouéro, iaou s’acapon pi de variante deun le diferente localitéi. Eun Val d’Ousta ézistèi di mouente an variétéi pe tsaque queméya (féite éséchón pe le queméye de Gressoney-Saint-Jean, Gressoney-La-Trinité é Issime).

Outre i variétéi diferente pe tsaque queméya, éziston étó le paréideut « idiolecte », sarie a die de variante caze eundividuelle de la lenva que son particuliére pe eun mouéi de rèizón : méicllo euntre patoué de diferente queméye pe de questchón de via ou d’atro janre. L’é lo cas de qui viquì deun le veladzo i confeun euntre dave queméye iaou lo patoué l’a de tré semblablo, ou de qui l’a de parèn que prèidjon de patoué diferèn é forme eunna sinna variante de patoué personella.

L’Atlas di patoué valdotèn l’é eun ouvradzo siantefeucco nèisù i comensemèn di-z-àn 70 pe bailléi an fotografie de la lenva francoprovansala eun Val d’Ousta. Le-z-eunformachón recouillée deun le-z-àn son splequée a traver de carte leungueusteuque é l’an a que vére a de diferèn doméne temateucco. L’é prevua étó an publicachón su papéi di rézultà de la retsertse. Lo premiéi volume l’é issà publià l’an 2020 é l’é llattà i tème di laséi é de la lèiterì. Deun la séchón « Francoprovansal », eun clequèn su la padze dédiée, se pouon acapéi de nombreuze eunformachón su lo projé.

Deun la séchón « Francoprovansal » y é an vasta padze dédiée a la bibliografì. L’et an séchón iverta que l’é actualizée de fasón réguliéra avouì le novéye publicachón.

Lo site l’at an séchón « Queulteura » iaou l’é pousiblo de troouéi caque aprofondisemèn su la litérateura é su le preunsipal oteur valdotèn, su la litérateura populéra, su la mezeucca é su le tradechón llattée i téritouéro francoprovansal valdotèn. 

L’eunsemblo litéréro valdotèn l’é bièn reutso. Su lo site l’é pousiblo de decouvrì caqueun euntre le preunsipal oteur di passéi, leur biografie é feunque an seléchón de teste.

La litérateura populéra l’é salla litérateura que l’é issée trasmettua deun le siècle de jénérachón eun jénérachón é comprèn de conte, de léjande, de contine, de proverbe, de devinette, de djouà de parolle… L’é bièn eumportanta perqué reprézente la baze queulterella valdoténa. Su lo site eun pou troouéi an petchoouda seléchón de teste que tchertche de bailléi eun idoù jénérala de to senque n’at eun Val d’Ousta.

Lo projé di Dichonéro se propoze d’offrì di mouente un patoué pe tsaqueunna di 71 queméye francoprovansale de la Val d’Ousta. A traver la fonchón « Moteur de retsertse » l’é pousiblo euntréi deun le contenù di Dichonéro ou de tchertchì de parolle sie deun lo Dichonéro sie deun le conténù di site.

Lo Dichonéro de tsaque queméya se réalize a traver seutte faze :

• rédachón de liste de parolle é d’espréchón eun fransé é eun italièn a propozéi i groupe de travaille troouà pe la queméya eun analyze ;
• traduchón di parolle é di-z-espréchón a seutte llattée deun la variante leungueusteucca de référanse de la par de l’eunformateur ;
• eunrejistremèn sonore é editing sonore ;
• eunserchón de matériel deun lo Dichonéro.

Lo but l’é si léi de bailléi an fotografie de la lenva di dzor de vouéi. L’on pren comme référanse sie lo langadzo couràn eumpléyà pe l’eunformateur que èidze lo Guetset Leungueusteucco pe la traduchón é la réalizachón di-z-eunrejistremèn sonore di parolle, di fraze deun son patoué sie la produchón icrita atuella (dichonéro su papéi dza publià, monografie de langadzo, lésicografie). 

Dèi l’an 2008 lo Guetset Leungueusteucco francoprovansal l’é eungadzà deun la réalizachón di Dichonéro eun leugne di patoué valdotèn, lo premiéi Dichonéro sonore de to lo doméne francoprovansal.

Eun clequèn su la parolla deun lo Dichonéro chorton seutte-z-eunformachón : queméya, eunformateur, lemme é son paradigme (ézeumplo : sengulié/pluriel, masculèn/féminèn), fraze de contestualizachón, sonore. Deun caque cas salle-z-eunformachón son euntégrée p’an fotografie que reprézente lo lemme analizà.

Deun lo moteur de retsertse te pou djeusto icrie an parolla clla. L’é neseséro de eunsérì djeusto an parolla pe coou.

Pe féye an retsertse pi presiza l’é pousiblo de eumpléyéi de diferèn tipo de filtre.

Pe èidjéi ta retsertse te pou eumpléyéi sise filtre : « Comenche pe/Parolla euntchéra », « Queutta peurdre le-z-assàn/Tchan bon le-z-assàn », « A partì de la lenva », « Catégorì gramaticala », « Queméya », « Catégorì », « Deun d’atre séchón di Glosséro », « Sourse ».

Can l’utilizateur séléchore lo paramétre « Queutta pédre le-z-assàn », lo moteur de retsertse eunclù totte le parolle prézante deun lo Dichonéro avouì ou sensa assàn, eun fournisèn eun rézultà pi complé. Pe ézeumplo se eunsérèiso la parolla « tera » lo moteur de retsertse baille comme rézultà « téra », « tèra », é « tera », eun vardèn pa eun considérachón la prézanse ou mouèn di-z-assàn.

L’ou déye que eun eumpléyèn si filtre le rézultà son séléchorà eun prégnèn comme référanse maque la lenva séléchorée (fransé, italièn ou francoprovansal).

L’ou déye que a traver salla retsertse pouo filtréi eunna catégorì spesefeucca de lemme eun fièn référanse a la catégorì d’appartenanse (ézeumplo : non, ajétif, verbe, …).

L’ou déye que a traver salla retsertse pouo filtréi eunna catégorì spesefeucca de lemme eun fièn référanse a la catégorì d’appartenanse (ézeumplo : non, ajétif, verbe, …).

Na, pe la granta partia di variétéi de francoprovansal ézistèi eun Dichonéro semplifià de apepré 1800 lemme d’uzadzo cotidièn; pe caque Dichonéro de caque variétéi eungn et eun tren de developpéi eunna eumplémentachón di lemme que permettré d’avèi deun lo ten eun Dichonéro complé.

Outre i parolle que arreuvvon di-z-iteudzo di Guetset Leungueusteucco, lo Dichonéro eumplèye de nombreu matériel dza publià eun présédanse, comme pe ézeumplo lo Dictionnaire du patois de Champorcher, la Glossologie de la flore valdôtaine é bièn d’atre travaille de retsertse lessicografique.

La grafia eumpléyée pe la trascrichón di parolle eun patoué l’é salla atedjée pe l’Aministrachón Réjonala. I contréro di sistémo de trascrichón foneteucca peur, que bièn reproduison la prononchachón méi que son de defesillo uzadzo, seutta grafia l’é bièn validda perqué permé de llére eun magnéye seumpla le parolle. I méimo ten, l’et a méimo de rendre avouì an booua approsimachón la vasta variabilitéi foneteucca di francoprovansal.

Se la parolla que t’i eun tren de tchertchì chor pa deun le rézultà bièn problablo si lemme l’é panco issà analizà, tradouì é eunsérì deun lo Dichonéro. Deun si momàn lo Dichonéro l’é semplifià é conte apepré 1800 lemme accompagnà d’an fraze, cherdue euntre salle que son semblée d’uzadzo pi frécàn. Le catégorie gramaticale publiée son le sustantif, le-z-ajétif é le verbo. Chouré la publicachón d’atre catégorì, saret a die article, pronón, averbo, prépozichón, conjonchón.

Lo sistémo de grafia eumpléyà di Guetset Leungueusteucco l’é de seumplo assé é comprenchón. Pe cognéise le preunsipale réille de trascrichón l’é pousiblo étó de consultéi de matériel deun la séchón « Apprende/Grafia ». Euncó, la pi granta partia di termo l’é accompagnée d’eun eunrejistremèn sonore, realizà avouì la viva vouése de l’eunformateur.

Pe caque variétéi de patoué l’é comenchée an seconda faze de travaille de fasón a rendre lo Dichonéro lo pi complé pousiblo deun lo ten. Pe sise patoué, outre i Dichonéro de baze que comprèn 1800 lemme , l’é prézàn eun Dichonéro pi épatà. 

Lo Guetset Leungueusteucco dispoze d’eun rézó d’eunformateur su lo téritouéro que fournison an consulanse leungueusteucca deun leur variante de francoprovansal.

Lo chouà di-z-eunformateur l’é issà fat su la baze di compétanse leungueusteuque di locuteur é su sa disponibilitéi a se traméi pe féye le-z-eunrejistremèn. Deun caque cas son issà fat de groupe de travaille pe tsaque queméya é l’é nèisù eun rézó de collaborachón pe fenì la retsertse. 

L’é pousiblo d’avèi eun cadro adzornà de la situachón a partì de la padze preunsipala di site, iaou son marquée le-z-eunformachón su lo numeró de Dichonéro semplifià conclù, numeró de lemme eunsérì é numeró d’eunrejistremèn sonore prézan.

L’utilizateur pou consultéi lo Dichonéro eun eumpléyèn la barra di moteur de retsertse que se trooue su la padze preunsipala, ou bièn eun ate su tsaque padze di site. La parolla pou isséi tchertchée deun eunna di tréi lenve. Deun lo cas d’eunna retsertse féite a partì de eunna di padze eunterne, eun séléchorèn deun lo menù a ridó eun ate a gotse l’opchón di Dichonéro, l’é pousiblo de féye l’assé a la retsertse avanchée (moousée a gotse de la padze). Eun coou affichà si rézultà, l’é pousiblo de saréi la retsertse eun eumpléyèn de paramétre comme : doméne sémanteucco, catégorì gramaticala, queméya, … 

Eun lemme l’é eunna parolla.

Eun paradigme l’é l’eunsemblo di forme que pou prendre an parolla (ézeumplo : sengulié/pluriel, masculèn/féminèn, …).

Deun la premiéye padze di site l’é pousiblo de consultéi lo numeró de lemme, de fraze é d’eunrejistremèn sonore tchardjà. Sise élémàn son atualizà avouì frecanse.

On pou pa prèidjéi d’an variante soletta de francoprovansal pe tsaque queméya perqué éziston étó le « idiolecte », que son de variante eundeviduelle de la lenva eun consecanse de bièn de-z-élémàn, comme la contaminachón euntre patoué de diferente queméye. L’é lo cas de qui viquì deun le veladzo euntre dave queméye, iaou lo patoué l’a de tré méicllà, ou de qui l’a de parèn que prèidjon de patoué diferèn é prèidje sa variante leungueusteucca personella. 

Oué. A si propó lo Guetset moouse an granta recougnisanse a tcheu sise que, boudjà pe eun amour inestimablo eunver noousa lenva é noouso péì, rendon disponiblo si formidablo trézor de cougnisanse, d’entousiasme é d’euntélijanse que l’é l’eretadzo pi présieu de la queulteura valdoténa. 

Lo Dichonéro prétèn pa d’établì lo « patoué d’an queméya » méi propoze, pe tsaque queméya valdoténa, eunna di variante pousible. Se eungn at de matériel, de vioù termo que son eun tren de se depeurdre ou, seumplamente, de parolle diferente de salle fournie pe noouso témouèn, eun pou contatéi lo Guetset Leungueusteucco.

Lo Dichonéro l’et eun eunstremèn de travaille eun tréi lenve. Se pouon féye le retsertse a partì di patoué, di fransé ou de l’italièn. Tcheu le rézultà son reportà deun le tréi lenve.

Deun la séchón « Dichonéro », deun la padze Dichonéro pe queméya, l’é pousiblo de consultéi lo numeró de parolle eunsérie pe tsaque queméya.

Su la mappa son prézante le variante de francoprovansal, deun si momàn attestée deun lo Dichonéro, rapportée a eunna parolla. Tsaque parolla l’é localizée a traver eun tag d’an couleur diferenta. Pi de localitéi pouon avèi la méima couleur se prézenton la méima parolla.

Deun tsaque fiche lésicala se troouon seutte-z-eunformachón :

• non de l’eunformateur ou peratro sourse bibliografeucca ;
• queméya de référanse ;
• lemme é son paradigme (sengulié, pluriel, …) ; 
• doméne lésical, se prézàn ;
• catégorì gramaticala (non, verbe, ajétif, ….) ;
• fraze de contestualizachón ; 
• traduchón di lemme eun fransé/italièn ;
• eunrejistremèn sonore, se prézàn. 

L’é pousiblo d’acoutéi la prononchachón de la pi granta partia di lemme prézàn deun lo Dichonéro.

Deun si momàn l’é panco disponiblo eun course eun leugne de baze pe apprendre la lenva ; deun la séchón « Apprende » s’acapon can méimo de nombreu matériel comme pe ézeumplo :

• « Tchattéi eun patoué » (vidéo-course su l’utilizachón di nouo médià) ;
• « Patoué eun oufficho », que recouille de vidéo-lesón su la comunicachón de baze a eumpléyéi deun lo doméne de l’aministrachón (i travaille, prèidjéi eun pebleuque, i telefonne, documàn, payemèn é recllamo deun le llouà pebleucco) ;
• fiche de gramére é d’ézersicho pe l’apprentisadzo eungn otonomia (prèi di manuel « Patois à petits pas ») ;
• eun manuel de conversachón (numeró, pèis, mezeure é couleur ; lo ten ; féye cougnisanse ; s’euncontréi, atsetéi, servicho ; santé, probléme é émerjanse) ;
• d’atre diferèn apprentisadzo temateucco. 

Tcheu le contenù di site pouon reprézentéi eun poueun de partensa pe l’apprentisadzo di langadzo é di streteure leungueusteuque deun diferente variante de francoprovansal, perqué son tradouì eun italièn é eun fransé. Ézersicho de lèiteura é d’apprentisadzo de la prononchachón pouon isséi fat a traver eun mouéi de resourse sonore que son prézante, eun particuliéi, deun le séchón « Trézor de teste » é « Litérateura populéra ». N’at étó an séchón spesefeucca dédiée a l’apprentisadzo di mèinà, iaou n’at eun mouéi de matériel multimédià. 

Comme totte le lenve, lo francoprovansal étó l’a sa gramére. Pe la decouvrì l’é pousiblo de consultéi le fiche deun la séchón « Apprende ». Pe de-z-aprofondisemèn eun pou étó esploréi la bibliografì prézanta deun la séchón « Francoprovansal ».

Deun la séchón « Apprende » n’at eunna granta partia dédiée i conte é i contine eun francoprovansal adrèichée i mèinà. Le-z-attivitéi son accompagnée di teste trascrì eun francoprovansal avouì la traduchón eun fransé é eun italièn. eunsemblo i documàn lèi son de-z-illustrachón, de documàn sonore ou de vidéo que èidjon le pi petchoou a s’approtchéi eun magnéye seumpla i contenù propozà. Eun pi, l’é pousiblo de troouéi d’atre teste deun la séchón « Litérateura populéra ».

Oué, deun lo site l’é prézanta la séchón « Moutré » que recouille sie le leugne gueudda pédagojeuque é-didateuque pe l’eunsegnemèn di francoprovansal (pédagojì é didateucca di lenve, poleteuque leungueusteuque é éducachonelle eun matchéye de plurilenguisme, tecneuque de animachón é jestchón de la cllasse), sie de parcour didateucco divijà pe tème é réalizà di-z-esper de l’Ecoula Populéra de Patoué. Eun avéitchèn la séchón « Moutré » l’é pousiblo étó d’aprofondì le réille ou le streteure gramaticale di francoprovansal, la grafia é on pou avèi assé a de nombreu matériel pe l’apprentisadzo eungn otonomia.

Deun la séchón « Trézor de teste » l’é pousiblo de troouéi an vrèya banca de teste eun francoprovansal. Son eungn effé prézàn de nombreu teste jamé publià de diferèn janre (poézì, léjande, documàn sonore, conte, ….) ou publià su de buletteun di parotse é di queméye de la réjón.

L’é pousiblo de filtréi le rézultà pe Queméya (selón la variante de francoprovansal d’eunteré), pe Catégorì (poézì, léjande, teste siantefeucco, documàn sonore, conta, …) ou piatro séléchoréi maque le teste que l’an étó la disponibilitéi de l’eunrejistremèn sonore.

La Réjón Otonoma Val d’Ousta finanche tsaque an de course de francoprovansal organizà di-z-aministrachón comunale que son eunteréchée a l’inisiativa. Eun leugne jénérala le course son réalizà a partì di mèi d’otobre/novambre canque lo mèi d’avrì/méi pe eun eungadzemèn de dave-z-aoue pe senar. Le course son gratouì é jestì pe de-z-esper de lenva francopronvasala que l’an chouù eun course de formachón asprése é l’an otchérù an sertificachón de compétanse.

Le-z-esper de francoprovansal son de professioniste que l’an otchérì de sertificachón spesefeuque de compétanse a la feun d’eun parcour de formachón. Deun lo ca spesefeucco n’a cattro doméne de compétanse sertifiée : SMC1 « Travailléi pe lo soutièn de la diffujón é de la valorizachón di francoprovansal é di prèidjéi walser » ; SMC2 « Dispozéi é bailléi de lesón » ; SMC3 « Fournì an consulanse leungueusteucca ; SMC4 « Réalizéi de-z-attivitéi d’animachón leungueusteucco-queulterella », eungn applicachón de la délibérachón de Jeunte Réjonala n° 1214 di 8 juin 2012.

Deun la séchón « Publicachón » se pouon decouvrì le publicachón de livro, de dvd é de livro sonore que consernon la queulteura é la lenva francoprovansala é que son isée financhée de l’Aministrachón Réjonala de la Val d’Ousta é de la Prézidanse di conseille di Ministre.

L’é pousiblo de reustéi todzor eunformà su le-z-inisiative que consernon lo mondo di francoprovansal a partì de la premiéye padze di site patoisvda.org, iaou son publiée le novéle é le-z-événemèn. Eun pi deun la séchón « Promochón » se pouon troouéi de détaille di-z-inisiative organizée de l’Aministrachón Réjonala.

Oué. L’et eun travaille eun contenuella évoluchón. Deun si momàn son eunrejistrà de teste deun le séchón « Litérateura populéra », « Trézor de teste », « Apprende mèinà », « Apprende adulte ».

Avouì seutta espréchón on prèidje di-z-aspé viziblo é concré d’eunna queulteura (artizanà, moublo agricole, …). Deun la séchón se pouon troouéi de-z-aprofondisemèn lésical é etnografeucco su de diferèn aspé de la via tradechonella eun Val d’Ousta.