(patouè de Veullanoua)
Di 28 jeun pasó, lo Guetset Leungueusteucco s'è tramó deun lo nouì sièje de l'Assessorà de l'éducachón é de la queulteua de Mèizón Barillier eun rua Creu de Veulla, i numéró 16.
Lo prestijeu palè, batì deun la mèitchà di XVIII siècle, dèi son non i martchàn d'étoffa Claude-Michel Barillier que l'a voulu-lo é a son garsón, Claude-Nicolas, que l'a fa-lei fée coutche tsandzemèn.
Ver la feun di siècle, la mèizón l'a vu nihe l'amour euntrì Maria-Delphina Petey, vevva di notéo Jean-Joseph Barillier é lo fameu politisièn é écrivèn fransè Xavier de Maistre, témouagnà étò da bièn de lettre écrite deun le-z-àn.
Lo palè, garnì pe de dzente décorachón, l'è reustó reustrutturó eungn occajón di Jubilé de l'an Doumeule.
Le nouì oufficho mantchagnérèn le mimo numéró de téléfonne, le mimo adresse eunternet é le mimo oréo d'ouverteua i pebleucco.
Oréro :
Di deleun i devendro de 9 a 12h30 é de 14 a 16
Contà :
Assessorà de l'éducachón é de la queulteua
16, ru Croix-de-Ville - 11100 Veulla
+39 0165 43386 - 363540
asspatois@regione.vda.it
skype : gnalei
Infoculture
18, rua Croix-de-Ville - 11100 Veulla
+39 0165 265113 - 548116
infoculture@regione.vda.it
www.regione.vda.it/cultura
www.patoisvda.org