(patoué de Veullanoua)
Lo Pri Ostana – écriteue eun lenva maternella – voulù pe la Chambra d’oc, eun collaborachón avouì Nethis é atò lo suppor de la Quemun-a de Ostana, de la Réjón Piémón, di Cirdoc de Béziers, di Pen club Ostana Ossitàn, de Radio Lenga d’Òc, de la Fondachón CRC, de la Fondachón CRT, de l’ATL Cuneo – tourne, de devendro 23 a demendze 25 jeun, pe sa XV a édichón.
Di dézer di Niger i montagne di-z-Asturies, de la Val d’Ouha i Paì Basque, di tère de la Languedoc a l’Ila de Corse, lo Pri Ostana propouze euncò hit an a son pebleuque é i-z-artiste que l’an gagnà, eungn’espérianse d’immerchón deun de lenve que son de véétoblo mondo, de queulteue euncò pocca cougnue, de trézor a vardé é a beté eun comunicachón le-z-eun avouì le-z-otre.
Heutta édichón véyèrè, deun la catégoriya « Minoritó leungueusteuque istoreuque eungn Italiye », l’atribuchón di pri a Liliana Bertolo Boniface, pe son eungadzemèn é son traille pe la promochón é la difujón de la lenva francoprovensala deun tcheu le domène.