Fiche pe argumàn : lo meleun

09 juillet 2015

(patouè de Veullanoua)

La seconda fiche pe argumàn de la séchón Glosséo l'è eun leugne. Aprì aì considéró, deun lo premii numéró, le traille agricolle ioi son eumpléyà le melè, heutta nouila chourtia l'è dédiéye i meleun.

L'idó d'eumpléyé la fouse de l'ée, vrè retsèhe di valode de montagne, pe fée founchoun-é diféente machine, l'a eungn'orijinne bièn vyiille. Le meleun a ée, pensó eun hi sanse, son reustó eumpléyà pe apeprè 2000 an, canque a la difujón de l'énerjì élettreuca é di moteur.

Pe de siècle, le meleun l'an condichoun-où la costruchón di nouho veladzo, eun vignèn lo seumbole d'eungn'économia tradichonella que prévèijè, pe hen que regardoo l'alimentachón, de po dependre da gneun. Lo meleun l'iye eumpléyà pe la produchón di pan, alimàn todzor prézèn su le toble d'eun cou.

Hisse meccanisme stra complecó, eunsemblo a l'imajinachón di francoprovensal, l'a baillà via, deun le siècle, a eun vocabuléo tecneucco que no vo prézentèn deun le patouè de Sen-Marsì é d'Euntroù.

Eungn èitsèn la fiche vo pouode étò decouvrì le-z-abetude, le règlemèn é le métode llétéye a la cultivachón di séréale, a can eun le mou é a can eun fa le pan.

Boun-a letteua !