(patouè de Antey-Saint-André)
Contégnon dé sotre lé fotoromàn én patouè dé la colléchón dapertotte - téatro dapertotte, qué y aruvve ou sénquémo numéò. Dou 13 Avrì y é dispounibbia l'avandérée publicachón dé la sérì qu'i conte dé la dérée édichón dou Printemps théâtral, a traver dé-z-imadze é dé dialogue.
L'inisiativa, réalizoye dé l'Assessorà dé l'Éducachón é dé la Queulteua dé la Réjón Otonomma Vallé d'Euta, y a lo dobbio objettif dé valorizé, d'én djè, lo téatro populéro é lé compagnì qu'i fan par dé la Fédérachon Valdoténa di Téatro Populéro é, dé l'otro, dé fae pensà lo letteur a l'émportanse dé la valorizachón é dé la diffujón dou patouè é dé la queulteua valdoténa.
Vouèlà lé compagnì téatrale protagoniste dé seutta édichón.
- Le Beurt et Boun dé Pollèn, avoué Que trimadzo;
- Lo Trèn dé Véèye, avoué Lé-z-ame én pin-a;
- Le Falabrac dé Bretchón, avoué Teut ou récomintsa é ren ou tchandja;
- Le Gantaléi dé Vogrezentse, avoué Tchappa lo tren é te va llouèn (é l'avión pe le voyadzo pi lon.)
Y é poue pousibbio dé résévre eunna copia dé la publicachón ioù qu'i vendon lé beillet ou téatro Giacosa, la nét di spettacle dou Printemps théâtral, ou bén ou pouèn Infoculture én Croué dé Veulla.
Y é poué pousibbio détsardzé lo fotoromàn dé la séchón dou sito dédioye a seutta inisiativa.
Énformachón:
Assessorà dé l'Éducachón é dé la Queulteua
Rue Croué dé Veulla, 16 - 11100 Euta
+39 0165 43386 - 363540
asspatois@regione.vda.it
www.patoisvda.org
Infoculture
Rue Croué dé Veulla, 18 - 11100 Euta
Oréo: 9-12,30 14-16,30
+39 0165 265113 - 548116
infoculture@regione.vda.it
www.regione.vda.it/cultura