(patoué dé Bretsón)
O 43o Printemps Théâtral, organizà pé a Fédération Valdôtaine de Théâtre Populaire (FVTP) é sohténì pé a Réjón Otonoma dé a Val d’Ohta, dévents a sajón queulterella 2023-2024, ou l’énviona éntó o premì echpetacle, propozà pé a compagnà di Digourdì dé Charvensod, desando 6 d’avrì a 21h ou téatro Splendor.
A manifechtatsión a l’a nachù l’an 1980 é a dona i compagnèi locale dé téatro l’occazión dé sé prézenté a un peblécco pi gro. A l’ét organizà pé a Fédération Valdôtaine de Théâtre Populaire, eunna asotchatsión formà di compagnèi dé téatro da Val d’Ohta qu’i résittón én patoué.
Non pout atchété le beyet pé le diférèn echpétacle én légna, tanque a vèya, so webtic.it (sétsión Vallée d'Aoste - Saison culturelle). Le beyet qu’i sobron i saràn peu dichponébio ou Téatro Splendor (82 rue B. Festaz - 0165235410) a modé dé 20h dou djor dé l’echpétacle.
