(patoué de Tsaensoù) Lo 23 novambre queeun, lèi saré la Conféranse annuella di Centre d'études francoprovençales « René Willien » de Sen-Nicolà. L'et eun randévoù tradechonnel que tsaque an se propouze de itedjì a fon eun spésefeucco argumàn leungueusteucco ou etnografeucco, llattoù i térritouéo francoprovansal é a la réjón di-z-Alpe.
Sit an, eungn occajòn de la prochéne chortia di premì volumo de l'Atlas des patois valdôtains, aprì 40 an dèi le premie retsertse su lo téritouéo, lo téma de la conféranse saré la jéoleungueusteucca deun le-z-Alpe i XXI° siéclle : métoda, défì é perspèitive.
Seutta rancontre saré l'occajón pe féye lo poueun de la sitouachón si le diffiente retsertse pourtaye eun devàn pe deun le difiente universitoù é deun le santre de retsertse de diffièn péì, eun particuillì deun lo téritouéo di-z-Alpe, é pe prézenté le rezultà ottin-ì. Mi saré étó eun momàn dedià a la disquechón si le delecatte questchón téoreuque é de métodolojia que regardon la jéoleungueusteucca.
Eunformachón :
Centre d'Etudes Francoprovençales « René Willien »
6, veulladzo Fossaz-Dessus
11010 Sen-Nicolà (AO)
Tél : +39 0165 90 88 82
http://www.centre-etudes-francoprovencales.eu/