Vautherin Raymond

(patouè de Tsaensoù)

VAUTHERIN Raymond
La Tchouiille 1935

L'è nèissì lo 18 sétembro 1935 a La Tchouiille.  A l'éyadzo de choui-z-àn, aprì la mor di pappa, lèiche son veladzo natal é se trame i Pondì di-z-Amaveulle. L'an 1957 publiye lo premì livro de poézie « Adjeu poésia ». L'an 1959, paré « Lo Cardeleun ». Entretèn veun membro di Comité des Traditions Valdôtaines é l'è cofondateur di Charaban.

Icrì diffiente pîse de téatro, parmì seutte no rappélèn : « A la vèille di noce », « Tseut coupablo », « Lo valet et lo conciliateur », « Lo viou », ... Publiye lo livro umoreusteucco « Le Conte de Touéno » é l'è oteur eunsemblo a Aymé Chenal di « Nouveau Dictionnaire de patois valdôtain ». L'an 1975 pren la direichón de la revua di Comité des Traditions Valdôtaines « Le Flambeau ». Collabore i « Messager Valdôtain ».

No pouèn contì caque requeuille de résì, de conte, dou romàn é de traduchón eun patoué d'ouvradzo littéréro, comme « Lo Petsou Prince », é de caqueun di livro de la Bible parù deun « L'Échentà ».

L'an 2007, publiye lo « Dichonéro di Petsou Patoésan ».

Annexe