Lo francoprovensal

(patoué dé Bretsón)

O patoué l'é un prèdjé francoproventsal, lénga qu'a vièn dou latìn qué, to a lénga d' oïl, o fransé, é a lénga d'oc, o proventsal ou otchitàn, a fèi parquià dou groupe qu'ou l'a non galloromàn. A définitsión dé francoproventsal vièn dou fondateur da dialectolojì tayana, Graziadio Isaia Ascoli, é sélon l'oteur a sé echpiéga pé o fet qu'ou partadja cahquie caratéré to o fransé é d'atre to o proventsal, belle én rehtèn endipendèn vers a lénga d'oïl é a lénga d'oc.