Nouila séchón di site : Lo dzargo

17 décembre 2014

 

(patoué de Tsaensoù)

L'a comme titre "Lo dzargo" la nouila séchón di site, que vo trouade deun la séchón Lenva, dediaye a la valorizachón di langadzo eumplèyà pe le ressàn é le sabotì d'Ayas é pe le rapatsafiaou de Sen-Dzordzo.

Avouì seutta premiye chortia, n'en consentroù l'attenchón si lo djerc di sabotì d'Ayas.

L'èt an pégna prézentachón di prèdjì, euna eumilla analize leungueusteucca di paolle recoillaye é di-z-eunfourmachón que eungn a accappoù deun lo matériel bibliografeucco (menchon-où euntre otre i fon de la padze) é publià tanqu'ara pe le-z-espèe de la lenva é pe le dzi pachon-aye de si langadzo. Deun la séchón l'è prézèn étó eungn annesse que comprèn totte le paolle que son itaye recoillaye é publiaye deun lo glosséo di site. Seu vo pouade étó acouté le-z-eunrejistremèn fé pe Saverio Favre.

Chortéré bientoù eungn atro approfondissemèn si lo prèdjì partiqueillì de euna di quemeue di Gran Paradì.