Concour « Identité alpine » - projè ECHI2

21 mai 2015

(patouè de Veullanoua)

Le-z-archive d'etnografì é d'istouére locala - Diréchón jénérala Queulteue, idantitó é otonomiye - de la Réjón Lombardiye lanche lo Concour pe de projè fotografique é odiovizuel 2015 « Identité alpine. Le patrimoine culturel alimentaire : personnes, communautés à table, paysages, savoir-faire agricoles et artisanaux ».

Eunsérì deun lo cadre di projè E.CH.I.2 (Programme de coopérachón territoriala trasfrontaliére Italiye-Chouisse 2007-2013), hi concour l'a comme finalitó d'approfondì le tème di patrimouéno queulterel alimantéo di réjón que lèi son d'euntor le-z-Alpe, a traver la fotografiye, la riélaborachón di-z-imodze é l'eunterprétachón personella di-z-oteur.

Tème di Concour : le projè dèyon aì comme sujé la queulteua alimantéa di réjón trasfrontaliére, reprézentéye pe le rite é le-z-abetudde sosiale, le saì fée tecneucco é artizanal, le prateuque agricolle, le cougnisanse de la nateua, la conservachón di paizadzo tradichonel pe le comunitó locale é le trasformachón atuelle.

Objé di Concour : l'élaborachón d'eun projè fotografeucco é/ou odiovizuel que sache eunterprété l'idantitó di-z-Alpe a traver la queulteua alimantéa de l'espase trasfrontalier Italiye-Chouisse.

Le méilloi projè di tri catégoriye (fotografiye, prodouì, odiovizuel, écomuzé) sarèn recompensó é prézentó i pebleucco eungn occajón de la dzornó finala di projè ECHI2, que l'è organizéte pe lo mèi d'otobre 2015, i Palè Lonbardiye.

Lo dirii dzor pe poussèi prézenté le projè l'è lo 10 jeun 2015, a midzor.

Pe aì d'otre-z-eunfourmachón, èitsode l'avì di concour que vo trouode dèizò ou vezetode lo site eunternet http://www.regione.lombardia.it.

Annexe