• Aqueuille
  • Noalle
  • Atéyé dé l’UNESCO so a sovégarda dou patrimouéne queulterel immatériel

Atéyé dé l’UNESCO so a sovégarda dou patrimouéne queulterel immatériel

11 mai 2015

(patoué dé Bretsón)

L'é iverta a sélétsión pé partisipé a l'atéyé dé l'UNESCO « Valorisation du patrimoine culturel immatériel », organizà vents ou projet dé coopératsión Italie-Chouisse ECHI2.

Dou 8 o 12 jouén qué vièn, é Tirano (Lombardie) é Poschiavo (Canton des Grisons), 25 djen i poéràn partisipé a eun atéyé d'aprofondichemèn so y echtremèn é y echpériéntse dé sovegarda é dé valorizatsión dou patrimouéne queulterel immatériel, comme dit a Conventsión dé l'UNESCO dou 2003.

L'initsiativa- promuoà dé a Diretsión jénérala Queulteurre, identité é otonomie da Réjón Lombardie, én collaboratsión avó l'ERSAF - fèi part dé ECHI2 (www.echi-interreg.eu), un projet qué l'a comme objetif dé vardé é valorizé o patrimouéne queulterel immatériel di réjón qu'i sé troon ou méntén dé l'Italie é dé a Chouisse.

I poon partisipé le fontsionnére, y énségnàn, le djoen qu'i l'an feut d'echteugguio so le Bén queulterel, so le Chéntse sosiale é dé l'ommo, y echpert é le djen qu'i travayon pé dé organizatsión peblécque é privà qu'i son éntéressà a vardè é beutté én valour o patrimouéne queulterel é o iour territouére.

L'atéyé, én lénga tayana, sarà ténì dé l'Associazione per la Salvaguardia del Patrimonio Culturale Immateriale-ASPACI. A la fin di rehcontre, le partisipàn rétsééràn eunna attechtatsión récognouà dé l'UNESCO.

L'atéyé l'é gratouì, ma le fré dé vouéyadjo é d'oberdjemèn son a tchardjo dé tsi qu'i partisipon.

Pé partisipé, fa prézentè démanda dévàn qué l'11 mai 2015.

Eunna commissión sarà éntchardjà dè tserde le 25 partisipàn.

Annexe