Tsertsa

Dichonéo

Contenù di site

Multimédià

Teste eun patoué

Documàn

La Veillà

Les pièces, le groupe, le public

(patoué de Tsaensoù)

Deun le-z-àn ‘70, la voya de tsandzemèn que l'an portoù i mouvemèn di mèis de mi de l'an '68 l'a baillà l'envio pe de nouì modélo que avèitsèyon pitoù i demàn sensa pédre lo contà avouì la réalitoù. Deun si climà de reboudzemèn, son nèissì le Santre queulterel avouì l'idoù de valorizé la campagne, belle oubliaye pe le veulle que l'ayàn vequì le grousse manifestachón di-z-icouillì é di-z-aouvrì. Le Santre queulterel l'ian pèi lé nèissì deun le campagne, avouì an forta idantitoù, mi sensa itre esclusif, llatoù i patoué, a la réalitoù é a la queulteua valdoténe.

Mimo se pocca organizoù, eun a réalizoù de conféranse, de proyéchón, de disquechón é publià de pégno journal ou de dépliàn. Bièn de Santre l'an pensoù de traaillì pe lo téatro, eun organizèn de spétacllo iaou eun souagnèye le teste, la réalizachón, la résitachón é la réjia. Seutte produchón prédzavon de diffièn sujé - di montagne todzor pi vaque a la discriminachón de la lenva - la coutimma prézentoù comme de comédì iaou le-z-aspé pi amuzàn l'ian pa cherdì pe capita.

Deun si momàn l'è nèissì lo groupe de téatro La Veillà de Tsateillón que l'a traaillà d'eun premì surtoù pe trasmettre de for messadzo si la sochétoù de salle dzor, pe aprì se consentré si eun traaille de retsertse. Le, apepré, veun pîse que le membro di groupe l'an recoillà, conton le momàn de la via é le tsandzemèn vequì pe seutta compagnì que, comme d'atre Santre queulterel, l'an èi an via queurta mi vifa. Mimo se l'è bièn de-z-àn que La Veillà fé pamì ren, lo traille que l'é itoù fé é le messadzo que l'a trasmì reston é seutta publicachón témouagne son eungadzemèn, sa créativitoù, sa orijinalitoù é le remarcablo rezultà que l'a ottin-ì to lo lon de sa via.

Oteur: AA.VV.
Disponibilitoù: Eun vente (30,00 €)é eun consultachón eun bibliotèque
Éditeur: Veulla: Stylos
An: 2010
Grouchaou: 276 p. ; 24 cm
Isbn: 9788887775532
Lenva: Fransè