Lo Gnalèi - lo Guetset Leungueusteucco

(patoué de Dzonsàn)

Lo Guetset Leungueusteucco l'é eun serveuicho offèe pe l'Asséssorà réjonal de l'éducachón é de la queulteua financhà a travèe la loué nachonala n. 482/99 que s'euntérèse de la protéchón di minoritoù leungueusteuque istoreuque.

Que vo siche amministrateue pebleuque, eunségnàn, leuibro profèchonel ou seumplo pachoun-où de patoué, lo Gueutset vo fournèi eun serveuicho leungueusteucco califià é compétén.

Eun serveuicho gratouì, a dispozichón de tcheutte, pe fasilitì le rappô eun patoué euntre le sitouayén é le-z-istituchón.

 

Lo serveuicho developpe la seugna attivitoù seui sisse poueun :

  • suppô leungueusteucco oral
  • revijón é traduchón de teste
  • consulanse
  • glosséo amministratif
  • perfechoun-emén de la grafeuya

Lo patoué eun leugne
Pe aprotchì euncó de peui le-z-istituchón i sitouayén :

  • lo site di Gnalèi : eun véritablo pourtal di patoué eun Val d'Ousta
  • lo dichonéo : lo premì glosséo sonore eun leugne di patoué valdotén

Annexe

  • Manuel uzadzo Skype

    Se souètade prende contà avouì lo Guetset Leungueusteucco a traè Skype é l'ade panco eun non uzajé, voualà caque conseill pe lo eumpléyì.

    Documàn pdf (384 KByte)

  • Lo Guetset Leungueusteucco

    Le-z-objectif di Guetset eun pilule.

    Documàn pdf (144 KByte)

  • Code Ascii

    Code Ascii pe l'uzadzo de caratéo pa prézàn si lo clavì deun le messadzo su Skype eun patoué.

    Documàn PDF (55 KByte)

Lo Gnalèi... pa tcheut cougnisson son signifià

(patoué de Tsaensoù)

Que eun prèdzèye de la cantitoù de pan qu'eun couè a Tsalende pe lo medjì to lo lon de l'an ou de la cantitoù de rezerve que le froumie eunmatson douàn que arrevèye l'iveue ou bièn di petchoù trézoo, fé de pîse, catchaye pe lo matelà reumplì de foille de meurga, lo mot gnalèi (ou gnalet), que pou pa itre tradouì deun le-z-atre lenve, reprézente l'eunsemblo de la fateugga, di-z-iffoo fé é di pèin-e soufferte pe ressemblì to sen que l'è présieu é que baille eun boneue euntimmo é un santimàn de sureté é de confianse deun l'avin-ì.

Noutro Gnalèi, fé de paolle é de fraze nèissiye de no tsan, de no prou, de no bouque é de noutre rotse, son lo basseun que l'ou fé creitre é pouchì noutro vioù prèdjì perqué no èidzèye a mioù comprendre lo péì que tsandze.

A. Bétemps 

Le guetset deun le queumeue de la Val d'Ousta

Lo Guetset Leungueusteucco sentral de l'Asséssorà de l'éducachón é de la queulteua de la Réjón otonomma Val d'Ousta l'è llizì, a traè lo rézó é l'usadzo de Skype, avouì 36 guetset leungueusteucco di queumeue que féyon partia di comunotoù de montagne di Grand-Paradis, Grand-Combin, Mont-Emilius é de Veulla.

Le dzi euntéréchaye i servicho que lo Guetset Leungueusteucco sentral fournèi, pouon allé deun le Guetset Leungueusteucco ipatoù pe le queumeue, féyèn partia di projé.

Bientoù le guetset sarèn repandì deun totte le 71 queumeue francoprovensale de la réjón.