Queulteua

Se no applequèn a la queulteua valdoténa la définichón di Petit Larousse que repourte : « eunsemblo de uzadzo, de couteumme, de maniféstachón artesteuque, relijeuze, euntellettuelle que définèison é desteungon eun groupe, an sochétoù », no no apesissèn que la queulteua valdoténa prézente totta an sériye de manifestachón é fourme eungn eunsemblo coéràn. L'è bièn reutse, mimo se pocca cougniya.

Deun l'euntenchón de la féye mioù cougnitre é apprésiì, n'en pensoù de prézentì caque ézeumplo de son orijinalitoù é de sa complessitoù a traè la pégna prézentachón que chouì.

Noutro traaille pourré pa itre complè : no louèn maque pouchì le dzi a cougnitre é approfondì si fénoméno. No tegnèn contcho eun particuillì de la littérateua valdoténa francoprovensala de si déri siéclle é demì, souà icritta que orala, de caque manifestachón arteusteucca, pe ezeumplo muzicala, é de caque tradechón eun jénéral.

Litérateura é oteur »

Liyade le teste de proze, de poézia é de téatro que témouagnon la retsesse de la queulteua valdoténa.

Littérateura orala »

Léjande, conte, contine, blague é devinette féyon partia de la tradechón orala d'eun peuple.

La Fisella »

Acoutade le-z-émichón de Rai VdA dediaye a la queulteua é i pi-z-eumpourtàn oteue valdotèn.