L'Icoula populéra de patoué

(patoué de Gressàn)

L'Icoula Populéra de Patoué l'é itéye organizéye pe l'Assesorà de l'éducachón é de la queulteua avouì l'euntenchón de fiye crèitre la cougnisanse di patoué é se occupe d'acapé é de fourmé le-z-eunségnàn que déyon jéré le course organizoù tcheu le-z-àn deun pi d'an quemeun-a de la Val d'Ousta. Le course son pe eun pebleucque que va di pégno i gran avouì diféén livel (débutàn, pe nen saèi de pi, perfechon-emén).

Pe l'an 2011-2012 son organizoù euncò trèi rancontre eun feun de senaa pe le gran : i course euntansif de patoué, se djounton de momàn d'aggrégachón llatoù i baye de la sivilizachón valdoténa é trèi course a tème.

N'a seuilla le manifeste di course de patoué organizoù pe sit an de l'Assesorà de l'éducachón é de la queulteua.

Vidéò

Spettacllo final 2010-2011

Annexe

Cours de patois 2011-2012

Documàn pdf (862 KByte)
Course de patouè 2011-12 - Fiche eunscrichón adulte

Verchón eun fransè

Documàn pdf (58 KByte)
Course de patouè 2011-12 - Fiche eunscrichón adulte

Verchón eungn italièn

Documàn pdf (57 KByte)
Course de patouè 2011-12 - Fiche eunscrichón mèinoù

Verchón eun fransè

Documàn pdf (55 KByte)
Course de patouè 2011-12: Fiche eunscrichón mèinoù

Verchón eungn italièn

Documàn pdf (54 KByte)

Bén de lénva

Staje de patoué

(patoué de Gressàn)

L'Icoula populéra de Patoué, aprì lo sussé di-z-édichón di-z-àn pasoù, organize euncò pe sit an de feun de senaa de bén de lénva deun eunna streutteua de noutra réjón.

Lo patoué pou pa itre digropoù di conteste istorique iaou l'é crèisì é de la queulteua que reprézénte. Pe seutte rèizón le rancontre l'an, protso i bén de lénva, euncò de momàn pe resté eunsemblo a la fasón valdoténa.

Cougnitre pi d'an lenva, euncò salle minoritére, l'é an retsesse queulterella é, i mimo tén, an valeur eumpourtanta deun le rélachón personnelle. Cougnitre le fondemén de noutra queulteua l'é an bagga neseusséa pe comprénde mioù la réalitoù iaou no vequèisén.

Lo bén de lénva de patoué l'é eungn'ocajón de fourmachón que deue bién, pe fiye vin-ì voya de nen saèi de pi é pe toutchì de protso eun patrimouéno queulterel reutso é uneucco.