Journées de la Civilisation Valdôtaine 2012

31 mai / 02 juin 2012

(patoué dé Bretsón)

Tornon co tseht an, dou 31 dé mai o 2 dé jouén, le Journées de la Civilisation Valdôtaine, manifechtatsión organizà pé l'Assèsorà dé l'éducatsión é da queulteurra da Réjón otonomma Val d'Ohta é dédià, surtoù, a y ehcoyé dé y ehcole valdoténe, pé réprénde a réflésión so l'arguemèn é partadjé vo le gnoe djénératsión o patrimouéne dou pocht, matériél é immatériél.

L'initsiativa l'é organizà, comme y an pasà, sélòn dé laboratouére didattécco qué i végnéràn feut i queumeunne dé Ohta, Introd, Jovençan é La Magdeleine é qué donéràn l'opportunité, a y ehcoyé é a y énségnàn, dé behtchandjé-se le bone pratéque éducative é dé echpérimenté echtremèn é parcours didattécco.

Ou lon da conféréntsa dou 24 dé mai, l'Assessour Laurent Viérin l'a prézentà o programma é l'arguemèn qu'ou sarà o santre dé y initsiative propozà é qué, pé tsétta éditsión, l'é l'echprit communotére.

Y attivité pé y ehcole comintséràn o 31 dé mai éntó dé laboratouére didattécco é dé mezécca é Jovençan, Introd é La Magdeleine. Le minà dé y ehcole voudràn dehcovrì le diférèn pocht guiettà a l'echprit da communoté : o for, o beui, a létérì. Én tsou parcours saràn acompagnà pé dé animatour, dé attour da Fédérachon Valdoténa di Téatro Populéro é di groupe dé mesécca Trouveur Valdôtain, Larinpionpion é Li Musicant.

Desando, o 2 dé jouén le Journées sé ivréran-pe co o gro publécco to eunna permonà pé dehcovrì le piante médisinale, organizà pé a Maison des Anciens Remèdes dé Jovençan, é to un dené.

Énformatsión :

Asséssorà de l'éducachón é de la queulteua
16, Creu-de-Veulla - 11100 Veulla
+39 0165 43386 - 363540
asspatois@regione.vda.it
www.patoisvda.org

Infoculture
18, Creu-de-Veulla - 11100 Veulla
Oréro: 9h00-12h30     14h00-16h30
+39 0165 265113 - 548116
infoculture@regione.vda.it
www.regione.vda.it/cultura