Fête valdôtaine et internationale des patois

08 septembre 2010

Catro an aprì Cogne, la quemeua de Veulla accueuille sit an  la 7a Fita valdoténa é eunternachonala di Patoué. L'è an groussa manifestachón queulterella pe tcheut le patouazàn é amì di patoué que veré féta lo 4 é 5 setembro é que fé partia de la Fita de la Val d'Ousta.

La manifestachón, organizaye pe l'Asséssorà de l'éducachón é de la queulteua, reprézente eun randévoù eumpourtàn pe tcheut le patouazàn di diffiente réjón de la zona francoprovensala (Val d'Ousta, Savoué, Chouisse, é vallaye di Piémón) que se retrouon tsaque an, a tor de rolo, deun eunna de seutta réjón.

« Ce grand rassemblement de patoisants - di l'Assésseur a l'éducachón é a la queulteua Laurent Viérin - revêt une importance particulière en cette époque de globalisation et de dévalorisation des éléments spécifiques, où certains voudraient gommer les caractéristiques des diverses cultures au nom d'une aliénation qui pousse l'homme à s'éloigner toujours davantage de ses racines naturelles.
Quelle meilleure occasion, pour l'Assessorat, de promouvoir le patois et aussi de présenter aux participants ses nouvelles initiatives, à savoir la messe en patois, une expérience sans précédent, ou la pièce théâtrale sur Jean-Baptiste Cerlogne, le félibre valdôtain, ou encore l'exposition Les lieux du patois».

La manifestachón comencheré desandro 4 setembro, a 15h, deun la Sala di manifestachón di Palé réjonal, avouì la tabla de disquechón Langue et identité, iaou participerèn de spésialiste de diffiente formachón. A 18h choui-pi l'inaougurachón de l'espozechón Les lieux du patois deun la Sala di-z-espozechón Hôtel des Etats.

La fîta se trame a 19h i palquet plachà si le proù de Mont-Fleury pe l'iverteua di-z-italadzo di prodouì valdotèn é de l'espozechón Cerlogne le ramoneur rimeur. A partì de 20h se sin-e é a 21h la Fédérachon valdoténa di téatro populéro prézente-pi eun spetacllo si la via de Jean-Baptiste Cerlogne, inisiativa que s'eunscrì a l'intérieur di sentenére de la mor di sélèbre poète  valdotèn. Dèisèn, lo groupe musical Erik é le Poudzo Valdotèn anime-pi la véillà.

Lo leundemàn, demendze 5 setembro, a 10h30, a la Catédrala de Veulla, saré deutta la messa eun patoué é pe l'occajón l'Asséssorà l'a réalizoù eun livret, témouagnadzo de si eumpourtàn événemèn.

A la feun de la messa, tcheut le groupe eun costume féyon-pi an parada deun lo sentre de Veulla tanque a l'ar d'Auguste.

Lo randévoù l'è fichà a Mont-Fleury a 11h30 pe l'iverteua di-z-italadzo de prodouì valdotèn é de l'espozechón Cerlogne le ramoneur rimeur. A 12h30, aprì le discoù di-z-otoritoù prézante, se medze maenda deun lo palquet.
L'aviproù, le partisipàn pouon-pi assistì i spetacllo de tsansón é de danse prézentaye pe le diffièn groupe de l'éra francoprovensala, partisipì i-z-animachón, i vezeute guedaye deun la grandze de Mont-Fleury é i gran bal populéro avouì la mezeucca de Erik é le Poudzo Valdotèn.


Pe ransègnemèn :
Asséssorà de l'éducachón é de la queulteua
Tél. 0165 363540