Djornà éntérnatsionala dé a lénga maternella

21 février 2014 - UNESCO

(patoué dé Bretsón)

Én l'an 1999, l'UNESCO l'a désidà dé dédié o djor dou 21 dé févrì i léngue maternelle, pé vardé é valorizé touì le prèdjé é le quelteurre dou mondo é a variété di léngue.

O djor dou 21 dé févrì l'at ichtà tserdù pé sé récordé dé y echtedèn qué, én l'an 1952, l'an ichtà amatsà pé a polise dé Dhaka (què ouèi a l'é a capitala dou Bangladesh), én tramèn qu'i manifechtaon perquè a iour lénga a l'ouse ichtà récognouà comme lénga offisiella dé tsen qué adonca ou y ira o Pakistan.

L'arguemèn dé tseht'an sarà o rapport tra le léngue locale é o mondo.

Én particuyé, saràn aità dé protcho le couechtión qu'i l'an a qué vére to a chéntsa, so o pocht qué le léngue locale l'an vents a diffuzión di saé traditsionél é so comme i poon aidé a rézoudre le probléma guiettà a mondializatsión.

Pe cogniche mièi o programma dé a Djornà, vejeteu le padje so o site www.unesco.org.