Tsertsa

Dichonéo

Contenù di site

Multimédià

Teste eun patoué

Documàn

Vietti Pierre

(patoué de Gressàn)

Veulla 1924 - 1998

Personalitoù de premì plan de la viya queulterella valdoténa pe pi de demì siécle, Pierre Vietti l'é nèisì eun Veulla lo 3 janvì 1924

Vrèi Valdotén deun l'arma é deun l'esprì, l'é eungadja-se to lo lon de sa viya per le tradechón é le lénve, fransé é patoué, de son péì. Difénseur euntranzijàn di patoué peue é de caltoù, l'a travaillà bién pe lo valorizé é pe lèi baillì la dignitoù de lénva, prédjaye é icrita.

La sin-a prézanse deun le-z-eunstituchón de quelteua valdoténa l'é itéye todzor eumpourtanta : euntre sisse-z-euntsardzo no rappélén que l'é itoù prézidàn di « Comité des Traditions Valdôtaines » di 1986 tanque a l'an de sin-a mor, trézoryì di « Centre d'Etudes Francoprovençales René Willien ». L'a travaillà deun bién de-z-assosiachón queulterelle, valdoténe é pa valdoténe, l'é itoù cofondateur di « Charaban » avouì lo seun amì René Willien é animateur di « Concours Cerlogne » é de eun dzen nombro d'émichón a la radio avouì lo tsanéno Vaudan.

Pierre Vietti l'é itoù bién choén idéntifià avouì Batezar, si personadzo que l'ayé eunvéntoù pe le spetacllo téatral di Charaban, « lo fameu Batezar, fegueua... seumpla é i mimo ten malisieuza, mi todzor sousieuza de prézervì noutro prèdjì populéro contre l'euntroduchón de tcheu le barbarismo que, malerezamente, queutton jamì de corrompre noutra lenva réjonala... Batezar l'è étó an fegueua que l'a voulì pourtì a son pebleuc lo santimàn profón que llize noutro peuple a sa téra, a se tradechón é tsertse de féye attenchón i progré tro répandì que resque de lo ditachì tchica pe cou di sin-e rèise ».

La produchón téatrala de Vietti conte sat bocón é sat monologue icrì deun a djizèn-a d'an, a partì di 1958.

Mi Pierre Vietti l'é itoù euncò poète. L'a queuttou-no dou requeui de poézì é le titre non diyon totte : "Cen que l'a quetta pappa", publià deun lo 1985 pe lo Centre d'Etudes Francoprovençales é "Montagne de mé" publià deun lo 1993, témouagnadzo di seun attatsemén i péì, a la fameuille, i-z-amì, di seun souvenir de can l'iye petchoù d'eun mondo que y é pamì, de la capasetoù de vére le baye é de la sin-a sensibilitoù eunver le baye dzente de la nateua.

Pierre Vietti l'é mor eun Veulla lo 13 mâse 1998.

Deun seutta séchón

Poézì

Nèisù eun Veulla lo 3 janvyì 1924, Pierre Vietti l’è ihó p’eun bon djemì siècle an personalitó de premî plan de la viya culturella valdotèna.

Lli tot
Téatro

Nèisù eun Veulla lo 3 janvyì 1924, Pierre Vietti l’è ihó p’eun bon djemì siècle an personalitó de premî plan de la viya culturella valdotèna.

Lli tot

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón