Tsertsa

Dichonéo

Contenù di site

Multimédià

Teste eun patoué

Documàn

Vén vére! Parcoù d’animachón eun francoprovensal

(patoué de Tsaensoù)

L'Asséssorà de l'éducachón é de la queulteua de la Réjón otonomma Val d'Outa, deun l'attivitoù de sovegarda é de promochón di patoué, beutte eun pià lo projé Ven vére.

L'è totta an rentse de parcoù d'animachón, dedià i mèinoù, que comenchérèn dei si mèis de noèmbro tanque i mèis de févrì de l'an queun, deun sinque quemeue valdoténe : Antèi, Donnas, Euntroù, Mordzì é Vapeleunna.

Eun djouyèn, tsantèn é eun féyèn de téatro, le mèinoù pouon pi cougnitre leue territouéo é leue patoué, pourrèn pi aprende a se boudjì deun leue veulladzo, a déquevrì le personadzo eumpourtàn de l'istouére de la comunotì.

Avouì seutta euntenchón, tsaque parcoù propouzeré pi eun détaille sertèn argumàn llatoù a tsaque quemeua :

- pe Antèi, lo cllotchì d'Antey é la fita di pomme
- pe Donnas, lo tsemeun di Romèn, la lèitiì de Treby é lo Muzé de la veugne é di veun
- pe Euntroù, lo Tsatì, Mèizón Breuille - la mèizón di medjì
- pe Mordzì, le mitcho de l'ospise é lo projé de queulteua di séréal
- pe Vapeleunna, la Tor, la Tornalla é la Seuppa Vapelenentse

Le diffièn momàn di parcoù, iaou n'aré euncó la partisipachón de sertèn témouèn de la quemeua, sarèn témouagnà pe de matériel, de-z-imadze, de vidéo é de-z-eunrejistremèn que le mèinoù mimo é le-z-eunségnàn pourrèn pi eumpléyì pe lo Concours Cerlogne.

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón