(patoué di-z-Amaveulle)
Eun vo souétèn de bon-e fite, lo site patoisvda.org vo-z-eunvite, pe si mèis de désambro, a la déqueverta de an tradechón d’eun cou, mi todzor eun viya dedeun eun mouì de quemeun-e : la crèche vivanta, cougnua étò eun Val d’Outa comme « le berdjé », eunna di pi populére coteumme de Tsalende.
Déquevréde-là a travì le-z-imadze de Stefano Torrione é lo film de Joseph Péaquin, réalizó pe la publicachón Rites et fêtes, euvra financhéye pe l’Assessorà réjonal de l’éducachón é de la queulteua deun lo cadro di projé de coopérachón transfrontchie ECHI – Etnografie italo-svizzere per la valorizzazione del patrimonio immateriale.