Tsertsa

Dichonéo

Contenù di site

Multimédià

Teste eun patoué

Documàn

Publicatsión : Le patois. Un héritage culturel à partager

26 mars 2021

le-patois-bassa-definizione-pages-to-jpg-0001_4989_l.jpg

(patoué dé Bretsón)

Un gno lévro ou vièn énretchì a réndja dé publicatsión dédià ou patoué.

O lévro ou no dona couénquio dé totte y initsiative réalizà pé l’Assessora réjonal di Bén queulterel, dou tourisme, de y echport é dou comerse ou lon dou tén é qu’i choon tré mot d’ordre, tré tchumìn qu’i rézumon a filozofia qu’a l’ichta dezeut ou travai dé l’Aminichtratsión peblécca vers o patoué: vardé, cultivé, valorizé. S’i voleu peu aprofondì y atsión prézentà, ou vo bachta d’alé vents le padje dou sito patoisvda.org qu’a l’é contùn beuttà a djor.

Tsou lévro écquie a l’é pa eunna manira pé sé sélébré da sé, ma ou dona i letour eun echtremèn pé cogniche mièi a queulteurra valdouchtana a travers o patoué qu’a lé eunna di chèi echprèsión pi vére. 

O volùm a l’é pa én vénta, ma non pout aité-lo vents le bibliotéque da rejón ou dehtchardjé-lo a modé da sétsión Publicatsión dou sito. Non pout acheu fére démanda pé aé eunna copéa én démandèn ou BREL (brel@regione.vda.it). 

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón