(patoué dé Arnà)
Lo lon di Journées de la Francophonie 2019, deleun pasà lo 25 dé marh ou palah dé la rédjón, l'Assessor ou Tourismo, Spor, Comerse, Agricolteua é Bén queulterel, Laurent Viérin, é lo reprézentàn dou Santre queulterel René Willien, Roberto Willien, y an prémià qui y at gagnà la XXVa édichón dou prix littéraire René Willien en mémouée dé René Willien, persoadzo bièn emportàn pé la lenga é la queulteua a l'entor dou patoué. Hitta manifestachón y at lo but dé prémì dé nou projé littéréo qué van a gueté la queulteua dé la Val d'Ohta avó la sén lenga.
Oyèn lo premì prémio y at ihtà don-à a l'AVAS é a la Tipografia Duc, éditor dé Sen alà soutta…Jeunes valdôtains à la granta guéra dé Stefania Roullet é Carlo A. Rossi.
Lo sécòn post y at ihtà don-à a l'éditor Le Château pé Les carnavals alpins en Vallée d'Aoste hcrit pé Alexis Bétemps.
Lo tréjémo post y at ihtà don-à i Edizioni La Selva pé Memoria di cose lontane – Mémoires d'autrefois. La vita in Valle d'Aosta nell'opera di Guido Diémoz. La vie en Vallée d'Aoste dans l'oeuvre de Guido Diémoz.,dé Vincenzo Bixio è Gabriella De Munari Bixio.
La jurì y at co prémià d'atre do travai avó na menchón en pieu :
Corarius lavorazione artigianale di pelle e cuoio, travai pubblià pé l'AVAS, dé Felice Cino Apostolo ;
Émigrés 2.0 – Valdostani nel mondo, pubblià pé Musumeci Editore, dé Michela Ceccarelli.
Dedzó lo 2 dé mai, a 5 oue dé l'apré midzor, en piahe Chanoux, en Ohta, hize qué y an ihtà prémià prézentéàn lé lor travai ou pubblic en occajón dé la manifestachón Les Mots.