(patoué dé Bretsón)
Én ocazión da féhta dé quiodzeurra du 61° Concours scolére dé patoué "Abbé Jean-Baptiste Cerlogne", le classe qu’i l'an partisipà i l'an rétsù le gnoe publicatsión da colétsión Patois et identité, féte a modé di travai dé rétchertcha é di matériel prézentà pé a 59^ éditsión dou Concours qu’a l’ae comme arguemèn Les rêves, les êtres invisibles et les récits fantastiques.
Le minà dé l’azille i sé régalon peu éntó La conta dou tsaté de Tsatéyón, un coulourà levret én cartón qu’ou couénta, én patoué dé Tchahtéyón, a lédjénda d’un conto é da cha grama séroù.
Le minà dé l’ehcola éléméntére, ou contrére, i poon peu comintsé un vouéyadjo a travers a Val d’Ohta, mersì ou lévro Balade légendaire, qu’ou ié féjérà dehquevrì le lédjénde pi particuyére da réjón vents a iour calétà dé patoué.
Le lévro, mersì a un QRcode so le couverteurre, i l'an én pieuch dé matériel én légna vents a sétsión Aprénde dé www.patoisvda.org, douque non pout troé co le tradutsión én fransé é én tayàn.
Le douch lévro i son ichtà finantsià da Prézidéntsa dou Consèi di Minichtre pé a louè 482/99 Normes en matière de sauvegarde des minorités linguistiques historiques.