Tsertsa

Dichonéo

Contenù di site

Multimédià

Teste eun patoué

Documàn

Lo Patoué a l’écoulla

05 mai 2021

Patoué a l'icoula

(patoué di-z-Amaveulle)

Sit an, a coutì di Concours Cerlogne, l’Asséssorà réjonal i bièn queulterel, tourisme, espor é commerse ll’a propouzó i mèinoù di-z-écoulle pe le petchoù é di-z-élémantére que l’an démoutró euntéré pe la propozechón, eun percour didateucco pe s’aprotché di patoué eun dzouyèn, réalizó pe de-z-animateur fourmó esprés.

L’arguemèn cherdù se grope i tème di Concous Cerlogne a travì de conte é de  léjande de la tradechón. Le tème totchà lo lon di-z-animachón prègnon eunspirachón di livro “Le fenne jéante”, illustró pe lo d’estrà cougnù dessinateur Altan é se llette a eun projé pi grou su le conte valdoténe.

A la feun di percour de 8 séanse, l’è prévua la réalizachón d’eun travaill que partisiperé i pri “Federica Diémoz” pe rapélé seutta eunségnanta de dialettolojie gallo-roména é de socholengueusteucca a l’Universitó de Neuchâtel, orijinéra de Rouèizàn. Si pri, iver étò a totte le-z-écoulle, l’a comme beut preunsipal d’euncoadjé l’euntéré é la sensibilitó eunver le lenve réjonale.