(patoué dé Bretsón)
Tseht’itchatén, a moda eunna gnoa sétsión dou sito !
Le padje dédià a queulteurra s’énretchichon di conténù a propó di féhte é di traditsión da Val d’Ohta, echteugguià é analizà a travers eunna retchertcha dé l’Assessorà réjonal dé l’éducatsión é da queulteurra pé o projet transfrontalié ECHI – Etnografie italo-svizzere per la valorizzazione del patrimonio immateriale é publià vents o lévro Rites et aux fêtes de la Vallée d’Aoste.
Le reutcho matériél i son, orra, vents ou sito patoisvda.org é, co pé co, vo prézéntén peu un gno arguemèn. I l’énvionén avó a Féhta da Fiocca comme non la fèi é Béileun d’Avise, un piquió veladjo a 1800 m dé aquioù douque un co i l’ichtaon moué dé fameuye.
Y imadje é le témouagnadjo di partisipàn i vo minéràn én un vouéyadjo a travers eunna di tchoze pi émportante pé a queulteurra da Val d’Ohta. Le féhte i son fran un patrimouéne pa matériél qu’ou fa cogniche é vardé, énsémbio a lénga qu’a no ié couénta : o patoué.