Tsertsa

Dichonéo

Contenù di site

Multimédià

Teste eun patoué

Documàn

De bague nouvile deun lo site : la Fèira de Sent-Or

12 avril 2022

 © Région Autonome Vallée d'Aoste - Photo Pallu
© Région Autonome Vallée d'Aoste - Photo Pallu

(patoué di-z-Amaveulle)

Eungn occajón de la 1002° Fèira de Sent-Or, lo site di patoué www.patoisvda.org  s’eunretsèi de contenù nouvì dedià a eun di momàn que pi reprézente la Val d’Outa.

Deun la séchón Queulteua, vo pouéde pi déquevrì le-z-orijine é l’istouére de la Fèira eun llizèn le-z-articllo de Alexis Bétemps é de Joseph Rivolin é eungn avétsèn la pise de téatro su la léjande de sent Or réalizéye pe la compagnì ATAMAS.

Dèisèn, le dzente-z-imadze d’an vidéó que veun di-z-archive multimédià di BREL vo plondzerén deun l’atmosfére d’eunna édichón de la Fèira d’eun cou. Lo voyadzo deun lo pasó pou pi allé eun devàn eungn avétsèn de cliché d’archive, eun compagnì de descrechón que vo férén assadé la mezeucca di patoué.

Deun lo paragraffe “La lenva de la Fèira”, vo saré preui pe man deun na vezeutta virtuella a l’espozechón numéreucca di-z-objé de la Fèira é vo pouré étò cougnitre leur non eun patoué.

Pe nen fenì, vo pouéde pi euncó apréché catche-z-écrì de noutre-z-oteur valdotèn é vo eunvaléyé eun dzouzèn le sketchs eun francoprovansal, aprestó pe lo Guetset lengueusteucco, que conton catche élémàn euntéressàn de la Fèira.

De paolle é de bague que sarén cheur eun gré de vo prédjé d’an sivilizachón é d’an queulteua.

No vo souétèn eun bon voyadzo !

Si site permè de vo mandér d'atre «cookies» (témouèn de connéchón). Se vo asétade l'utilizachón di «cookies» cliccade su OK, se vo vouléde pi d'eunformachón ou vo vouléde refezé, alléde a la padze di-z-eunformachón.

Padze d'eunformachón