(patoué dé Bretsón)
Én occazión da publicatsión dou premì lévro dé l’APV - Atlas des Patois Valdôtains, l’Assessorà réjonal di bén queulterel, dou tourisme, de l’echport é dou comerse é l’Université da Val d’Ohta organizon, pé o 6 dé mai a modé dé 9h15, a prézentatsión dou volùm Le lait et les activités laitières, vents a conféréntsa L’Atlas des Patois Valdôtains: regards croisés.
Tsétta premira publicatsión a l’é un momèn émportant pé levré eunna londja attivité dé rétchercha qu’a l’at énvionà én y an Sétanta é qu’a l’a ou cour le patoué da Val d’Ohta. Le 112 article dou premì lévro i prézénton le mot é le tchoze qu’i son guiettà a un sujé émportàn pé a véa dé montagna: o litsé.
Ou lon da conféréntsa, qu’a l’é souègnà pé o Départemèn dé Chéntse umane dé l’Université, dacohte a prézéntatsión di conténù dou lévro, non arat y énterventsión dé cahcùn éntré le pi émportant ehchpert dé jéolénguestécca é dé dialectolojì d’Italie et d’Europe.
A vidéoconféréntsa a l’é iverta ou peblécco: ou fa mae s'ehcrire.
Pé le détai dé l’initsiativa é pé s’ehcrire ou fat alé so a padja dou sito dé l’Université da Val d’Ohta.