(patoué di-z-Amaveulle)
Lo livro La lana di…La lan-a di… nét d’an retsertse di-z-écouillì de seconda de la primére de Tsarvensoù/Plan-Feleunna féte eungn’ocajón di Concour de patoué Abbé J.B. Cerlogne (an scoléro 2015-2016) que l’ayè pe sujé « A la déqueverta de noutre quemeun-e : le vioù savoir-faire ».
Eun pi de la retsertse rendjamente etnografeucca é lengueusteucca réalizéye pe le mèinoù su lo travaill de la lan-a é eunspiréye a la conta populéra franséza « La laine des moutons », la caletó de si travaill l’è fran deun se-z-aspé grafeucco é créatif é deun la narrachón étò, ieui le mèinoù san todilón no moutré caitsouza de leur mimo a travì leur créachón.
Si livro prézente dave conte – « La lana di bibì », écritte deun lo patoué de Sen-Veunsèn, é « La lan-a di bîeun” deun si di-z-Amaveulle – bâtie su l’er é le paolle d’an pégna tsansón franséza, tsantéye pe dave-z-artiste valdoténe : Liliana Bertolo é Maura Susanna.
Seutte tsansón eunretsèison la publicachón, baillon i paèn eun moyèn pe reunforché le llétondze que l’an avouì leur mèinoù é euncoadzon a aprende lo patoué.
