(patoué di-z-Amaveulle)
Magrì le-z-eumpatsemèn que la pandémì l’at eumpouzó, l’Assessorà di bièn queulterel, di tourisme, di-z-espor é di commerse l’a propouzó la 59ima édechón di Concour Cerlogne dedià i patoué.
Le cllasse l’an travaillà su lo tème prézentó « Le sondzo, le-z-étre eunviziblo é le conte fantasteuque », eun compagnì, lo lon de l’an, di-z-animachón queulterelle é lengueusteuque féte pe eun groupe de chouì animateur.
Le-z-attivitó eun cllasse son itéye accompagnéye pe de vidéó réalizéye pe le-z-esper que contaon la conta de « Ravaneun », élaborachón d’an fabla di frie Grimm « Raiponce » adatéye a eunna verchón de inque, salla de « La prisonnière de la tour » de Jean-Jacques Christillin.
