(patoué de Vagrezentse)
JÉRUSEL Armandine
Le-z-Amaveulle 1904 - Veulla 1991
Armandine l'ie metressa a Vieyes deun le-z-àn '25-'26. Deun seutta pèrioda l'a contenuà a eunségnéi lo fransé méimo se sen l'ie eunterdì di lloué fachiste.
Pi tar l'a travaillà comme eumplouayée deun eun buró pebleucco, apréi l'eut issée secretéra attiva é bièn disponibla dou « Comité des Traditions Valdôtaines ».
Pe totta sa via l'a su mantchérì eun esprì dzovéyo, agouet é bièn iver.
No-z-à queuttà cattro publicachón de poézie eun patoué é eun fransé. Deun se teste s'acappon de portré plen d'ironie desù le personadzo de tsu no, de cadro de via de la campagne é de sentimèn bramèn euntimmo é delecat que accompagnon, deun lo boneur ou deun lo tsarmo, totta la via de l'ommo : voualà de sen que prèidje sa poézie.