(patoué de Vagrezentse)
GERBORE Herminie
Sen-Nicolà 1885 - 1950
L'eu émigrée a Paris can l'ie euncó bièn dzovéya : léi vardaa le mèinà di reutse fameuille é ou méimo ten contenuaa se-z-étude que l'èi queuttà eun tréijèima élémantére.
Fran a Paris l'a cougnù eunna fameuille amériquéne que l'a eunvitée a New York pe s'occupéi de son petchoou mèinà : seutta l'eu issée l'ocajón pe apprendre l'angllé é feunque pe voyadjéi.
Correspondanta dou jornal parizièn « La Vallée d'Aoste », fondà de l'Abbé Petigat é adrèichà a tcheu le-z-émigréi valdotèn, écrijé de-z-articlle su le valdotèn que reustaan eun Amérique é de poézie tchardjée de sentimèn, frouì d'eun esprì solitéro, romanteucco é idéaliste.